Matiyu 20
20
Kɔndalakɛbhaa mín núu bháalakɛla lɛ́zɛnnvyɛ ó lɔ
1«Ala yɛ́ Mansaya óo tɛ́nmɛn, o lée nín: Sɛɛntii o wɛ́ɛ bhɔ́ sɔɔjonan o mán kó a káa kɔndalakɛbhaa lu tá kɛ táa bháala kɛ́ a yɛ lɛ́zɛnnvyɛ ó lɔ. 2Ale ní olu bhyɛ kó o bháala o kákan kɛ bhyɛ wɛ́ɛgbannan ngée ne mán, tó aa i látaa bháalakɛlaa ó lɔ́ a yɛ lɛ́zɛnnvyɛ ó lɔ. 3Aa wɛɛ kɛ bhɔ́ kokwaakɛ siinndee wáati o lɔ. Aa kɔndalakɛbhaa gbɛ́ɛlu yé bhálo kɛ bháalaɲiimaa olu síilaa ó lɔ, la tɛ́ tɛ́ olu mán. 4Aa fɔ i yɛ kó: ‹Ále a táa bháala kɛ́ ɲɛ́n lɛ́zɛnnvyɛ ó lɔ́ íkwɔ, á kákan ni saa mín né, ɲáan o dí á man.› 5Ii táa. Teelatee ŋó fɛ́, sɛɛntii oo bhɔ́ íkwɔ, óni teefaan ŋwáati o lɔ kɛ kɔndalakɛbhaa gbɛ́ɛlu látaa a yɛ lɛ́zɛnnvyɛ ó lɔ́ o ɲán kée ŋó mán. 6Teebe ŋó fɛ, aa bhɔ́ kɛ kɔndalakɛbhaa gbɛ́ɛlu yé bhálo kɛ íkwɔ. Aa i manɲaankɛ kó: ‹Mínnɛɛn le kósɔn áa tee ó bɛ́ kɛla yánun lakɛbhɛɛya lɔ?› 7Ii a yawi kó: ‹Mɔɔn lé mánsɔɔ bhá kɛ kɔndala di án man.› Aa fɔ i yɛ kó: ‹Ále a táa bháala kɛ́ ɲɛ́n lɛ́zɛnnvyɛ ó lɔ́ íkwɔ.›
8Ywáa o la, lɛ́zɛnnvyɛtii oo a yɛ bháalakunndii ó kíi kɛ fɔ a yɛ kó: ‹Bháalakɛdhye ŋolu kíi kɛ i bɛ́ ta saa lo i bhóo. Mín núu bháala o lámyaan bɛ́ kwɔ, aa lamyaan olu mán kɛ a lafaa mɔɔn jónan ólu mán.› 9Mín núu bháala o lámyaan teebe ŋó fɛ́, olu nan i ta bháalakɛsaa ó myáan o lé lɔ: Bɛ́ ta wɛ́ɛgbannan kée ngée. 10Tó mín núu kɛ́ bháalakɛdhye jónan olu lé lɛ́zɛnnvyɛ ó lɔ, aa sé olu mán mínngɛ, a tɛɛ kɛ́la olu kɔ́ɔnnɔn kó ilee tá wɛ́ɛ o káa sháaya bɛ́ tá le. Wáa i bɛ́ bɛ́ é wɛ́ɛ lákee ŋo lé sɔ́ɔ: Bɛ́ ta wɛ́ɛgbannan kée ngée. 11Wɛ́ɛ o myáansan o lɔ́ íkwɔ, ii kóman sɛɛntii o mán 12tá kó: ‹Kɔndalakɛbhaa mín núu bháala o lámyaan bɛ́ kwɔ, olu lɛ́ɛlɛ kéembe lé kɛ́ bháala o la, aa kɛ́ díi tó íi olu ní án née saa o kéeɲan, án née mín núu tee kée ŋó bɛ́ kɛ́ bháala lá teegban ó kɔɔ.› 13Sɛɛntii oo fɔ a mɔɔn o kée ɲɛn kó: ‹Ndwáanva, mán í tɔ́nɲɔɔn lɛ́. Ɲɔ́ɔn ngo an ni bhyɛ ne kó ní í sála wɛ́ɛgbannan ngée nán tee ó kɔɔnnɔn lé? 14Oo lɔ mínngɛ, í saa o tá kɛ bhɔ́ ná la. Kɔndaladhye mín ŋé bháala o lámyaan kwɔ́ o la, ngáa saa kée ŋó lé dí íle ní o mán. 15Nzáo lé tɛ́ ɲɛ́ɛla wɛ́ɛ o lɔ a. Bháa móolafwee nin ɲé mínngɛ, O lé ɲánngboya é í lɔ́ a?› » 16Ó bhóo óle mán tó: «Mɔɔn mín núu kwɔ́, olu yáa bhyáa ɲɛ́n tó mín núu ɲɛ́n, olu yáa bhyáa kwɔ́.»
Ɛnza ŋé a sayakɛko óni a kuunngo o fɔ́ ko sawaɲɔn o kɛla
Maki 10.32-34; Luka 18.31-34
17I táatɔ ó lé Yeluzalɛmu, Ɛnza ŋé a yɛ kaamɔɔndhye ndá ni fyáa ó kíi í kéenan ké ii táala, kɛ fɔ i yɛ kó: 18«Áa í tóomanlɔ. Án ni táala Yeluzalɛmu lé wé, mɔɔn Dhyénjɛ o káa ló faanlɛɛɲansebhaa olu kúnndii ólu ní sɛliya kaamɔɔn ólu bhóo yénɔn lé ké olu a kíti bé a ka kó kɛ a fáa. 19O kwɔ, i yáa a lábhyaa káafii olu la tó olu yɛ́ɛ bhɔ́ a lɔ kɛ a gbasi gbɛ́nɲɛn la tó kɛ a gbáan yíi o mán. A tee sawaɲɔɔnlo ŋo a saya ó kwɔ, a yáa kúun kɛ bhɔ́ su ólu cɛ́man.»
Zaki ní Yaya lú wóobhaa é ɲaanli kɛla olu tá fa nvɛ́
Maki 10.35-45
20Oo bhɔ́ í lá mínngɛ, Zebede muso é í mángbaa ni a dhyénjɛ fyáa ólu lé Ɛnza nan. Aa í kúnmɛɛn nɔ́kɛɛ Ɛnza ɲɛn kó o a ɲan a man. 21Ɛnza ngó a yɛ kó: «Íi mínnɛɛn lé kwɔ?» Aa Ɛnza ɲawi kó: «Ní fɛ́ ngó ni í kɛ́ í síi í yɛ́ mansaya ó lɔ, nyénjɛ míin ngée ŋan í síi í bhóobhɛɛkɔɔ ké a kée ŋan í síi í bhóonwaan ngɔɔ.» 22Ɛnza ŋé fɔ a kó: «Áa fé mín ɲiinnan, a mán o lɔ. Né káa tɔ́lɔya súu mín myaan, ále yáa sé o lɔ́kunnan ŋan?» Ii a yawi kó: «Án ɲáan sé!» 23Ɛnza ngó i yɛ kó: «Ale lée wé, né káa tɔ́lɔya mín myaan, a yáa o tɔ́lɔya súu o myáan, wáa a síi ó né bhóobhɛɛkɔɔ óni móonwaanngɔɔ, o látɛɛbhaa o tɛ́ né le. Nvá é o síilaa ólu lɔ́bhyɛ mɔɔn mínnu yɛ, a káa a dí o léelu mán.»
24Kaamɔɔndhye ndá ŋo tɔ ólu o myɛ́n mínngɛ, ii mwɛ́nnɛn bhádhyenjɛman nvyáa ólu mán. 25Kó ólu kɛ́ɲan o man cé, Ɛnza ŋé i bɛ́ kíi tó kɛ fɔ i yɛ kó: «Áa lɔ ŋóo síya gbɛ́ɛ olu tá kunndii ólu kunndiiyafaan lála olu ka. Mɔɔn mín núu i yɛ yamaan o lɔ, ii nɔn lála olu ka. 26Wáa a táa kɛ́ cé álee lú cɛ́man. Ní mɔɔn mín ŋé fɛ́ kɛ kɛ́ mɔɔnba lé a cɛ́man, fɔ́ o tíi ó a kɛ́ bɛ́ tá bháalakɛdhye ne; 27Tó ní mɔɔn oo mɔɔn é fɛ́ kɛ bhyáa bɛ́ ɲɛn, o tíi o kákan né kɛ kɛ́ a yɛ́ yɔ né le. 28Ó ɲán kée ŋó mán, mɔɔn Dhyénjɛ o mán nan ké lɔ́ a kɛ́ a yɛ bháalakɛdhye ne, wáa aa nan lé kɛ bháalakɛ mɔɔn olu yɛ́, óni kɛ a yɛ́ɛ ní o dí mɔɔn shɛ́ɛman ngunmanka le.»
Ɛnza ŋé fyóonjɛ fyáa ɲán lakala
Maki 10.46-52; Luka 18.35-43
29Ii bhɔ́ Zeliko mínngɛ, yamanba é bhyáa Ɛnza ngwɔ. 30Fyóondɔ fyáa lɔ́ síininndɛ́ɛ sháa o gboo nvɛ́, olu Ɛnza ndínmin ngo o myɛ́n mínngɛ, ii gbáa ngbáa ni fɔ le kó: «Mantii ó, Laula Bhɔ́nzɔ manɲwaan án nan!» 31Yaman o yámanngɛ i man kó ii í lúmandhye, wáa i tɛ́ɛ gbáanan í fáan lá o bɛ́ kwɔ kɛ fɔ kó: «Mantii ó! Laula Bhɔ́nzɔ, manɲwaan án nan!» 32Ɛnza ŋé í lɔ́ kɛ fyóondɔ ólu kíi tó kɛ i manɲaankɛ kó: «Aa fɛ́ ké ní mínnɛɛn lé kɛ́ a yɛ́?» 33Ii a yawi kó: «Mantii ó, a kɛ ké án ni ywáa yé.» 34I mánɲwaan é lo Ɛnza nɔn, aa í bhóo túu i ɲán ólu la tó íi ywáa yé í kɔ́lɔ téeman, tó ii bhyáa Ɛnza ngwɔ.
اکنون انتخاب شده:
Matiyu 20: MXX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.
