Matiyu 19
19
Ɛnza ngó fúusa ó mánɲin
Maki 10.1-12
1 Ɛnza ŋé wɛɛ o ládhyelikɛ ólu lá mínngɛ, aa bhɔ́ Galile kɛ táa Zude mála ŋo lɔ́ Zuludɛn ma ó ɲán dɔ́ o mán. 2Yamanba é táa a kwɔ́ka ó ywáa ó lɔ́, aa i lákɛɛnya o ywáa o lɔ. 3Falizɛn nɔ lúu í mángbaa a lá á lɔswaan móo man, ii a manɲaankɛ tá kó: «A láanin ɲe ké cɛ o waa a muso o fúu sá kún mbɛ́ súu la a?» 4Ɛnza ŋé i yawi kó: «Á man ó kála ma ŋan? Ko dínɲan lamyaan ó lɔ, Ala é cɛ ní muso lé la 5tó kɛ fɔ kó: O lé kósɔn cɛ óo bhɔ́la a wóobhaa ni a fa lú ka kɛ í gbɛ́nnɛn a muso mán, tó i fyáa óo kɛ́ fásisoo kéene. 6O ɲán o mán, i tɛ́ mɔɔn fyáa lé bhée, fɔ́ fasisoo kéembe. O lé kósɔn Ala wɛ́ɛ fé mín ngɛ kéene mɔɔn sí mánngan kɛ olu fála.» 7Falizɛn ŋolu a manɲaankɛ kó: «Aa kɛ́ díi ló tó Musa é fɔ kó ni cɛ ólu fɛ́ kɛ i muso ólu fúu o sá, kó i kákan né kɛ fúusa sɛ́wɛ tɛɛ kɛ a lo i muso ólu bhóo?» 8Ɛnza ŋé i yawi kó: «Céla Musa é fɔ kó áa sé kɛ fúu o sá, á yɛ́ tóolagbɛya lé kósɔn. Ni o tɛ, a tɛ tɛ́ kála cé kɔ́ɔ. 9Wáa, tó ní fɔ a yɛ́ ngó cɛ óo cɛ kɛ́ í bá a muso lɔ kéni ó mán ɲɔnmɔɔnya kɛ, kɛ muso gbɛ́ɛ ta, o cɛ ó wɛ́ɛ ɲɔnmɔɔnya lé kɛ́ wé.»
10Ɛnza ɲɛn kaamɔɔndhye ŋolu kó a yɛ kó: «Ni fúu ó wɛ́ɛ tó o lé mán, musota ó tɛ́ í lábhyaa o lɔ́ kéene a?» 11Ɛnza ŋé i yawi kó: «Ŋwɛ́ɛn a kála kó mínnan wé, cɛ o bɛ́ tɛ́ sé í bhóo síila o kɔɔ, fɔ́ Ala kɛ́ o ní ó bhyáa mɔɔn mín ngɔɔnnɔn. 12Kún gbɔ́gbɔ lée musotabhɛɛya o lɔ: Cɛ lɔ́ lúu wóo ké i tɛ cɛya lɔ, mɔɔn ólu lɔ́ gbɛ́ɛlu bhɔ́la cɛya lɔ́, tó lɔ́ lúu í kúnnzii la musotabhɛɛya o kɔ́ɔ kɛ́ a kún ngɛ sángboo ó Mansaya o le! Mɔɔn mín ŋé sé í bhóo síila o kóman ólu kɔɔ, o tíi o a í bhóo síi a kɔɔ!»
Ɛnza ni dhyémɛnsɛn ŋólu cɛ o
Maki 10.13-16; Luka 18.15-17
13Mɔɔn olu nan dhyémuu lɔ́lu lé Ɛnza ɲɛn kó aa í bhóo lá i kúnnɔn kɛ í sɛ́ɛ i yɛ, wáa kaamɔɔndhye ŋólu yámanngɛ o mɔɔn ólu mán. 14Oo kɛ́ mínngɛ Ɛnza ŋé fɔ kó: «Áa dhyémuu ólu tó yé ké ii nan ne mán, a kɛ́nan í síi i ɲan lɔ. Kɛ mansɔɔ mɔɔn mín núu óyoo dhyémuu míinnu sángboo ó Mansaya ó ólu ta le le.» 15Ɛnza é í bhóo lá i kúnnɔn, kɛ bhɔ́ ó ywáa ó lɔ.
Nanfoo tɛ́ɛ káweenin mín móo
Maki 10.17-31; Luka 18.18-30
16Cɛ lɔ́ é í mángbaa Ɛnza nan kɛ a manɲaankɛ kó: «Kaamɔɔn, ngákan kɛ kóbhɛɛ mínnɛɛn lé kɛ kɛ ɲáanmanɲan wɛ́ɛbhɛɛ ó sɔ́ɔ?» 17Ɛnza ŋé a yawi kó: «Íi mánɲaankɛla kóbhɛɛ ó tá fa nvɛ́ mínnɛɛn lé la? Ala kéembe lé káɲin. Ni íi fɛ́ kɛ ɲáanmanɲan wɛ́ɛbhɛɛ o sɔ́ɔ, tɔ́ ŋolu bhɔ́ sháa man.» 18Cɛ óo a manɲaankɛ kó tɔ́ mínnɛɛn lu? Ɛnza ngó: Í mánngan kɛ mɔɔn fáa, í mánngan kɛ ɲɔnmɔɔnya kɛ, í mánngan kɛ fwɔnɲan la í mɔ́ɔnninnvinɲɔɔn ó la, í mánngan kɛ soɲan kɛ. 19Í fá ní í wóobhaa bwóɲan. Í mɔ́ɔnɲɔɔn ó a dhyáa í yɛ́ óyoo íle gbú a dí í yɛ́ɛ yɛ ɲán mín man. 20O káweenin ŋoo fɔ kó: «Ŋwɛ́ɛn o tɔ́ ŋo bɛ́ bɛ́ sháa lataaman. Ngákan kɛ mínnɛɛn lé kɛ́ o kwɔ?» 21Ɛnza ŋé a yawi kó: «Ni í tɛ́ fɛ́ ké sɔ ŋan sɔɔ í lá, táa í bhóofe ŋo bɛ́ fele kɛ a wɛɛ o dí faannda ŋólu mán, o kɛ́ kɛ í yáa nanfooba sɔ́ɔ sá ŋó lɔ. Í kɛ́wɛɛ o la, íi bhyáa ngwɔ́.» 22Wáa káweenin ŋoo o kóman ó myɛ́n mínngɛ, aa bhɔ́ yénɔn a ɲanlasiinin ŋó le, kɛ mansɔɔ nanfooba lé tɛ́ɛ a bhóo.
23Oo kɛ́ mínngɛ, Ɛnza ŋé fɔ a yɛ kaamɔɔndhye ŋolu yɛ kó: «Tó ní fɔ a yɛ́ tínɲan in ne ngó, nanfootii ó lo ŋo sángboo ó Mansaya ó lɔ, o lo a gbɛ́ɛ ósɔ! 24Ní fɔ́la a yɛ́ íkwɔ ngó ɲɔ́ɔnmɛɛn ó lo ŋó nɔɔnyanin ɲé kɛ́ɛla ŋó jáan ó fɛ́ kɛ tínmin nanfootii ó lo ŋó ka Ala yɛ́ Mansaya ó lɔ.» 25Kaamɔɔndhye ŋolu o kóman ó myɛ́n mínngɛ, oo i kɔɔnnɔnfii fɔ́ ii ɲɔ́ɔn manɲaankɛla kó: «Yɛ́ɛtii é sé kɛ́ kísi o lɔ wɛ́?» 26Ɛnza ŋé i mánfɛɛ kɛ fɔ i yɛ kó: «Kísili o sé tɛ́ Adamandhye ŋó yɛ, wáa a sé é Ala le yɛ!» 27O lɔ Piyɛli é fɔ a yɛ kó: «Án née mínnu wɛ́ɛ án ngwɔ kɛ fé ŋó bɛ́ la tó kɛ bhyáa í kwɔ́ka, án née káa kɛ́ díi o lɔ wɛ́?» 28Ɛnza ŋé i yawi kó: «Tó ní fɔ a yɛ́ tínɲan in ne ngó, mɔɔn Dhyénjɛ o yáa í síi a yɛ́ mansayagbaanin nɔ́lɔman ŋó ka dínɲan kwáa o lɔ. O kɛ́ kɛ́, ále mín núu ngwɔ́ka, ále yáa í síi mansayagbaanin ndá ni fyáa o ka kɛ Izalayɛli síya tá ni fyáa ólu ta kíti o tɛ́ɛ. 29Tó mɔɔn óo mɔɔn é í kwɔ́ kɛ́ i yɛ bhó ní i bhádhyenjɛman ŋóni bhádhyemusoman ní i fa ní i wóobhaa ni i dhyé nú ní i yɛ sɛɛn ólu lá né kósɔn, o tíi ó yáa olu súu kɛnmɛn sɔ́ɔ, tó a nin ŋé kɛ́ ɲáanmanɲan wɛ́ɛbhɛɛ o le. 30Mɔɔn mínnu é ɲɛ́n bí nín, o shɛ́ɛman ɲáan tó kwɔ́, tó mín núu kwɔ́, olu shɛ́ɛman ɲáan bhyáa ɲɛ́n.»
اکنون انتخاب شده:
Matiyu 19: MXX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.
