Zon 4
4
Zonaasi a foo-yoo gɔ́ɔ̃ nɛ Lawa daraa mɛn kɔ la
1Bɛa sii lɛ busu Zonaasi ganaa parsiini, 2#BBN 34.6 a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne. 3#Kiin1 19.4 Dɛnaa Lawa, masɛ nə n nyankoe máa n ma nyin bɔ gɔrɔ. A giala, gɛ̀ á soɛ masɛ ganaa tá kanaa nɛ.» 4Dɛnaa Lawa tɔn pɛ nɛ: «Á siĩni n foo yoo kɛnɛn?» 5Zonaasi soo á woo giã kiwi lɛ a lɛ̀giala gɔn la. Á siã dɔ walan á giã a wúlu li. Sii mɛn bɛ́ re n zɛnɛɛ kiwi lɛ nɛ, a n tán n yii diɛ bɛ la. 6Bɛa biikoo li Dɛnaa Lawa lɛ Lawa lɛa, bɛ́ da kɔn tɔrɔ da bɔ ganaa, á gole kɔ a wúlu nə n kɔ Zonaasi lɛ a ná a foo basã. Bɛa da lɛ a sii Zonaasi foo kɔɔ̃n kɔ parsiini. 7Bɛa lɛawaa baayɛlɛ yiisoone Lawa nyuun goon dia á wɔ da lɛ nɛ, da lɛ gã. 8Á ga gɛ̀ li bɛ̀ a n pii mà gɛ̀ á soɛ asɛ ganaa tá kanaa nɛ. 9Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.» 10Bɛ kio, Dɛnaa Lawa pɛ nɛ: «Ń bɛ́ ń nɔmaa ka da mɛn nɛ wa, n nə́ n da gole kɔ dɔ ganaa wa, bɛ makara n boe nsɛ ganaa. A da yaa a na á bɔ tèlò goon ne, á gã tèlò goon ne. 11Sanparɛ Ninivu kiwi gole ke, masɛ á re makara boe bɛ ganaa wa! A giala, min duu paabiɛ ka fuə (120 000) tá yii a nɛ, min mɛnɛn nə́ ke ǹ nə́ ǹ ba ǹ gusin laanka ǹ gɔsɛ a bɔkɔnlɛ doɛ̃ wa. Tɔɔ damata dɔ tá a nɛ.»
اکنون انتخاب شده:
Zon 4: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.