Zon 3
3
Zonaasi Lawa boo mɛn laakalaa Ninivu
1Bɛ kio, Lawa wusoo á boo da ka Zonaasi ni á pɛ nɛ: 2«Masɛ bɛ́ boo mɛn pii n ni, yoo, n wo Ninivu kiwi gole kɛ nɛ, n pɛ ǹ nɛ ka paraa nɛ.» 3Bɛa Biikoo li kəni, Zonaasi yoo, á woo Ninivu ka Dɛnaa Lawa bɛ́ á pɛ-n lɔn. A da yqa Ninivu kiwi kɛ dɔ na á gole kɔ á la yii ni yǎa n lɛawaa sɔɔ tɔ we n tɔ na a lɛ dii. 4#Mat 12.41; Luk 11.32 Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.» 5Ninivu minin lɛn nə bɛ ma lɔn, ǹ nə́ gole Lawa a boo li. Ǹ nə́ lɛ dia, mà min tumaa nə n lɛ sɔɔ. A saa min golen ganaa, a wo nɛnyaanan yaa, ǹ nə́ gɛ̀ koa ǹ mɔnaan wɔ ǹ dinin ganaa ǹ nə́ nyaa mà ǹsɛn nə́ wusoo ǹ sii baraan kio. 6Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio. 7A kɔnpɛ kii lɛ laanka a kiodɛnan dí-pɛ nɛ, ǹ nə́ lɛ dia Ninivu kiwi gɔ́ɔ̃ nɛ ǹ nə́ pɛ: Minbuiinin laanka tɔɔn nɛ, ǹ nyan màn kɔn wɔ ǹ lɛ-n wa, ǹ nyan mu mi wa. 8Boroon doamaa nɛ ǹ goã minbuiinin laanka tɔɔn ganaa, ǹ nə n lɛ dɛ Lawa ganaa ka ǹ parsiini. Didie nə n taasɛ a wusoo a sii baraan kio, kakaarɛbaa ǹ siin mɛnɛn bɛ́ a gɔn lɛa, a bɛn kaa. 9Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa. 10Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.
اکنون انتخاب شده:
Zon 3: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.