Zon 2
2
Zonaasi Lawa nyan mɛn kɔ zɔ̀ gɔ́ɔ̃ nɛ
1 #
Mat 12.40
Dɛnaa Lawa zɔ̀ gole kɔn dia, á Zonaasi kũ á mui. Zonaasi goã a gɔ́ɔ̃-n miɛ̃ lɛawaa sɔɔ ka tèlò sɔɔ. 2Zonaasi nə́ n toa zɔ̀ lɛ gɔ́ɔ̃ nɛ, á Dɛnaa Lawa, a Lawa lɛ nyankɔ, 3á pɛ: «A ma toa fuu kɛ gɔ́ɔ̃ nɛ, má Dɛnaa Lawa bíi wɔ, á ma lɛ si. A ma toa gɛ̀ gɔ́ɔ̃ nɛ, má lɛ dia n la máa n nə n dɔ ma lɛ, n ma lɛ ma. 4Ń ma zũ kɔ̀ mu zuzulu kɛ bii, mu ma da bii walan, n mu koreen lɛn tumaa bɔ ma la. 5Bɛ lɛ n ke maa pii ma din ni: Máa ma n nə́ ma loo n ma bɔ n yɔrɔ-a. Sɛnɛ, a laanka bɛ yii ni man tɔ nə n yɔrɔ diɛ n kion sonbore kɛ la. 6Nyankɔrɔ zuzulu lɛ a mu ma da bii, kɔ̀ buun nə́ n pɛnɛ ma mìi ganaa. 7Má gisĩ má woo tán yǎa kelen giulun. Ń geren piɛ a kiɛnlɛ kũ n tã ma lɛ duduu. Sɛnɛ ń wusoo ń ma bɔ ń soo ma nɛ ma yii n koo. 8Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ. 9Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa. 10Sɛnɛ, masɛ n giɛ li ma wúlu mànan kɔ n la. Man lɛ kɔ ka siin mɛnɛn nɛ, ma bɛn zɛnaa ma ǹ lɛ pã, bɛ̀ má n loe loe barka diɛ n nɛ. Kirisibaa lɛ n boe Dɛnaa Lawa li.» 11Dɛnaa Lawa boo da ka zɔ̀ lɛ nɛ. A din bǎã-n gɔrɔ, zɔ̀ lɛ pisəə ka Zonaasi-n tán gere la.
اکنون انتخاب شده:
Zon 2: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.