Yele-za-pɛr-tib 36
36
A Ezawu ìr'a cen tɩ kpɩɛr Edɔm
1A Ezawu bɛ mɩ́ na bʋɔlɛ kɛ́ Edɔm#36:1 Edɔm: Nyɛ̃ 25.30, 32.4. a bʋʋrɛ yée n'ɩ à á ŋá. 2A Kanãa tẽw powli bɛ ŋa nɛbɛ a Ezawu tɩ kul: Ada na ɩ a Hititɩ dɔɔ Elon pɔwyaa a, nɩ Oholivama na ɩ Ana pɔwyaa, ɛ́ a Ana ɩ a Hivitɩ dɔɔ Sivewoon pɔwyaa a. 3Ʋ mɩ̀ tɩ kul'ɩ Basɩmatɩ na ɩ Ɩsɩmayɛl pɔwyaa nɩ Nebayɔtɩ yeepuule#36:3 Nebayɔtɩ yeepuule: Nyɛ̃ 28.9. a. 4A Ada tɩ dɔw nɩ Elifaazɩ kʋ̀ a Ezawu, ɛ́ Basɩmatɩ dɔw Erewuyɛl kʋ̀ ʋ. 5A Oholivama tɩ dɔw nɩ Yewusɩ, Yalam nɩ Koora. A bidɛbr'ɩ a bɛ ŋa a Ezawu na tɩ dɔw a Kanãa tẽw a.
6A Ezawu tɩ tɛr'ɩ a ʋ pɔwbɛ, a ʋ bidɛbr, a ʋ pɔwyaar, a ʋ tõ-tõ-biir za, nɩ a ʋ dʋ̃-pɛ-bʋʋrɛ za ìr'ɩ. Ʋ mɩ̀ tɩ wob'ɩ a ʋ na-bome za ʋ na páw a Kanãa tẽw a, cen nɩ tẽ-yũo, zãá nɩ a ʋ yɛb Zakɔb. 7Bʋ̃ʋ n'ʋ vɛ̃, a bɛ bʋ̃-tɛrɩ tɩ zuo na nɩ bɛ na na lãw kpɩɛr a. A zie ʋl bɛ na tɩ be a bɛ tɩ saalɩ a bɛ dʋn guolu ƴãw ɛ. 8À ŋá n'a a Ezawu bɛ mɩ́ na bʋɔlɛ Edɔm a tɩ cen tɩ zɩ̃ a Seyiir tãw zu.
A Ezawu bʋʋrɛ
9A Ezawu bʋʋrɛ yée n'ɩ à á ŋá. A bɛ sãàkʋm-kʋra Edɔm tɩ kpɩɛr'ɩ a Seyiir tãw zu. 10A Ezawu bidɛbr yée n'ɩ à á ŋá: Elifaazɩ na ɩ a ʋ pɔw Ada bie a nɩ Erewuyɛl na ɩ a ʋ pɔw Basɩmatɩ bie a.
11A Elifaazɩ bidɛbr tɩ n'ɩ bɛ ŋa: Teman, Omaar, Sefo, Gayetam nɩ Kenaazɩ. 12A Ezawu bidɛb Elifaazɩ tɩ tɛr'ɩ pɔwbɛ ayi sob ʋ dɩ Tɩmɩna. Ʋ tɩ dɔw nɩ bidɛb kãw kʋ̀ ʋ a yúor dɩ Amalɛkɩ. A Ezawu nɩ a ʋ pɔw Ada yan tɩ n'ɩ a bɛ ŋa.
13A Erewuyɛl bidɛbr tɩ n'ɩ Nahatɩ, Zera, Sama nɩ Mɩza. A Ezawu nɩ a ʋ pɔw Basɩmatɩ yan tɩ n'ɩ a bɛ ŋa. 14A Oholivama na ɩ a Ana pɔwyaa ɛ́ ɩ Sivewoon yãw a tɩ dɔw nɩ Yewusɩ, Yalam nɩ Koora kʋ̀ a Ezawu.
15-16A Ezawu bʋʋrɛ nɩ-bɛrɛ n'ɩ bɛ ŋa: a Ezawu nɩ a ʋ pɔw Ada bi-dãw-dɔwra Elifaazɩ nɩbɛ na ɩ nɩ-bɛrɛ a tɩ n'ɩ bɛ ŋa: Teman, Omaar, Sefo, Kenaazɩ, Koora, Gayetam, Amalɛkɩ. Bɛ tɩ kpɩɛr'ɩ a Edɔm tẽw.
17A Ezawu bidɛb Erewuyɛl nɩbɛ na ɩ nɩ-bɛrɛ a tɩ n'ɩ bɛ ŋa: Nahatɩ, Zera, Sama nɩ Mɩza. Bɛ tɩ kpɩɛr'ɩ a Edɔm tẽw. Bɛ tɩ ɩ n a Ezawu nɩ a ʋ pɔw Basɩmatɩ yan.
18A Ezawu nɩ a ʋ pɔw Oholivama na ɩ Ana pɔwyaa a bidɛbr na ɩ nɩ-bɛrɛ a tɩ n'ɩ bɛ ŋa: Yewusɩ, Yalam nɩ Koora.
19A Edɔm tẽw dem nɩ-bɛrɛ na tɩ ɩ a Ezawu bʋʋrɛ a tɩ n'ɩ a bɛ ŋa.
20-21A nɩbɛ na de niwn kpɛ a Edɔm tẽw a tɩ ɩ n a Horitɩ dɔɔ Seyiir bʋʋrɛ. A Horitɩ mɩnɛ nɩ-bɛrɛ na tɩ ɩ a Seyiir bʋʋrɛ a tɩ n'ɩ bɛ ŋa: Lotan, Soval, Sivewoon, Ana, Disoon, Esɛɛr nɩ Disan. 22A Lotan bidɛbr tɩ n'ɩ Hori nɩ Hemam. A Lotan tɩ tɛr'ɩ yeepuule ʋ dɩ Tɩmɩna. 23A Soval bidɛbr tɩ n'ɩ Alevan, Manahatɩ, Eval, Sefo nɩ Onam. 24A Sivewoon bidɛbr tɩ n'ɩ Aya nɩ Ana. A Ana n'ʋ tɩ nyɛ̃ a kʋ̃ɔ a wɛja-kpalɛ pʋɔ, a lɛn daar ʋ na tɩ àrɛ nɩ a ʋ sãà Sivewoon bòn a. 25A Ana bibiir tɩ n'ɩ a ʋ bidɛb Disoon nɩ a ʋ pɔwyaa Oholivama. 26A Disoon bidɛbr tɩ n'ɩ Hemidan, Ɛsɩban, Yitiran nɩ Keran. 27A Esɛɛr bidɛbr tɩ n'ɩ Bilhan, Zaawan nɩ Akan. 28A Disan bidɛbr tɩ n'ɩ Usɩ nɩ Aaran.
29-30A Horitɩ mɩnɛ nɩ-bɛrɛ a Seyiir tẽw tɩ n'ɩ bɛ ŋa: Lotan, Soval, Sivewoon, Ana, Disoon, Esɛɛr nɩ Disan.
31A na-mɩnɛ na lɩɛrɩ taa dɩ naalʋ a Edɔm tẽw, ɛ́ a Ɩsɩrayɛl wa bãw tɛr na-mɩnɛ a n'ɩ bɛ ŋa: 32Bewɔɔr bidɛb, Bɛla, na yi Dinava a. 33Ʋ na wa kpi a, Zera bidɛb Yovavʋ na yi Bɔsɩra a n'ʋ lɩɛr'ʋ. 34A Yovavʋ na wa kpi a, Husam na yi Teman lowr a n'ʋ lɩɛr'ʋ dɩ a naalʋ. 35A Husam na wa kpi a, Bedadɩ bidɛb Hadadɩ na yi Awitɩ a n'ʋ lɩɛr'ʋ ɩ a nãà. Ʋlɛ n'ʋ tɩ zɛb tʋ̃ɔ́ a Madian tẽw dem a Mowab tẽw. 36A Hadadɩ na wa kpi a, Samɩla na yi Masireka a n'ʋ lɩɛr'ʋ ɩ a nãà. 37A Samɩla na wa kpi a, Sawul na yi a Man-nʋɔr-Erehovɔtɩ a n'ʋ lɩɛr'ʋ ɩ a nãà. 38A Sawul na wa kpi a, Akɩbɔɔr bidɛb, Baal-Hanan n'ʋ lɩɛr'ʋ ɩ a nãà. 39A Akɩbɔɔr bidɛb, Baal-Hanan na wa kpi a, Hadaar'ʋ lɩɛr'ʋ ɩ a nãà. A ʋ tẽw yúor tɩ dɩ na kɛ́ Pawu. A ʋ pɔw tɩ dɩ na kɛ́ Mehetaveyɛl, ɛ́ ɩ Matɩrɛdɩ pɔwyaa nɩ Me-Zahavʋ yãw.
40Nyɛ̃ a Edɔm tẽw dem nɩ-bɛrɛ yée na tu a bɛ dɔwlʋ nɩ a ziir bɛ na kpɩɛr a: Tɩmɩna, Alwa, Yetɛtɩ, 41Oholivama, Ela, Pinoon, 42Kenaazɩ, Teman, Mivɩsaar, 43Magidiyɛl, Iiram. A Edɔm tẽw dem na-mɩnɛ n'ɩ a bɛ ŋa. Ŋa za mɩ́ tɩ kpɩɛr'ɩ a bɛ tẽw lõbowr kãw.
A Ezawu n'ɩ a Edɔm tẽw dem sãàkʋm.
اکنون انتخاب شده:
Yele-za-pɛr-tib 36: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.