Yele-za-pɛr-tib 33
33
A Zakɔb nɩ a ʋ yɛb Ezawu lɛb'a kpɛ taa
1A Zakɔb tɩ jɩ́r'a nyɛ̃ a Ezawu ʋ waar'ɩ a nɩbɛ kɔbr anaar (400). Ʋ tɩ bʋ́r bʋ́r'ɩ a bibiir ƴãw a Leya, a Arasɛl nɩ a tõ-tõ-bi-pɔwbɛ ayi cara pʋɔ. 2Ʋ tɩ ƴãw nɩ a tõ-tõ-bi-pɔwbɛ ayi nɩ a bɛ bibiir a nisɔw, a Leya nɩ a ʋ bibiir tu, a Arasɛl nɩ a Zuzɛb pãa tu. 3A ʋl mɩŋa tɩ de bɛ nɩ niwn. Ʋ tɩ gbĩ n dume gũu tɩ tɔ tẽw gb'a ayopõi, ɛ́ bãw ta a ʋ yɛb zie. 4Lɛ n'a a Ezawu tɩ zɔ tuor'ʋ tɩ nyɔw ʋ weri, ɛ́ bɛ za ayi nyɔw kon. 5A Ezawu na wa nyɛ̃ a pɔwbɛ nɩ a bibiir a, ʋ sowr'a: «Nɩ-tẽbowle n'ɩ a nɩbɛ bɛ ŋa fʋ na tɛr a?» A Zakɔb sɔw: «A bibiir a Naaŋmɩn na kʋ̀ a mãa fʋ tõ-tõ-bie a nɛbɛ.»
6A tõ-tõ-bi-pɔwbɛ nɩ a bɛ bibiir tɩ taw na ta gbĩ dume gũu tɩ tɔ tẽw. 7A Leya nɩ a ʋ bibiir mɩ̀ taw ta ɩ a lɛ. Al pùorí, a Zuzɛb nɩ a Arasɛl mɩ̀ ɩ a lɛ. 8A Ezawu tɩ sowr'a: «Bʋ̃ʋ n'ʋ fʋ tɩ tɩ́ɛrɛ kɛ́ fʋ ɩ n a dʋn al za ɩ̃ na tuori a?» A Zakɔb sɔw: «Ɩ̃ tɩ bɔbr'a k'ɩ̃ɩ ɓaalɩ fʋ.» 9A Ezawu lɛb yel: «Ɩ̃ tɛr'ɩ bome a man mɛ̃, ɩ̃ yɛb i, tɛr a bome fʋ na so a.» 10A Zakɔb sɔw: «Aɩ, ɩ̃ zɛlɛ fʋ na, a fʋ pʋɔ wa pɛlɩ a ɩ̃ ƴãw a, fʋ̃ʋ sàw de a ɩ̃ nũu bom. Ɩ̃ tuori fʋ na mɛ̃ a Naaŋmɩn n'ʋ ɩ̃ tuori a, fʋ na sàw de m vla za a ƴãw. 11A lɛ pʋɔ a, sàw de a bom ɩ̃ na tõ kɛ́ bɛ wa kʋ̀ b a, bʋ̃ʋ n'ʋ vɛ̃, Naaŋmɩn maalɩ mɛ̃ na, ɩ̃ɩ tɛr'ɩ bom za a man mɛ̃.»
A Zakɔb tɩ fɛr ʋ na ʋ wa tɩ sàw de, 12ɛ́ yel: «Nyɩ wob ìr tɩ cen! Ɩ̃ na bɩɛlɛ fʋ na.» 13Ɛcɛ a Zakɔb tɩ sɔw na: «Ɩ̃ nɩ-kpɛ̃ɛ ɛ, fʋ bãwnɩ a na, a bibiir bɛ tɛr fãw ɛ, ɛ́ a fɛr kɛ́ bɛ maal ɩrɛ a pi-mã mɩnɛ nɩ a na-mã mɩnɛ ƴãw. Fʋ̃ʋ wa yel kɛ́ fʋ ŋmʋr a bibi-been yõ a, a dʋn á ŋá za na kpi na. 14Ɩ̃ zɛlɛ fʋ na, ɩ̃ nɩ-kpɛ̃ɛ ɛ, kɛ́ fʋ de niwn cere, mãa a, ɩ̃ na cere nɩ bɩɛlbɩɛl manɛ nɩ a dʋn nɩ a bibiir tɩ ta a fʋ zie a Seyiir tẽw.»
15A Ezawu tɩ yel'a: «Ɩ̃ na bɛr fʋ nɩ a ɩ̃ nɩbɛ ŋmãa na bɩɛlɛ mɛ̃ a.» A Zakɔb sɔw: «Bʋnʋ ƴãw? Fʋ na tuori nyɔw mɛ̃ vla a, a man na.» 16A Ezawu tɩ lɛb'a lo a Seyiir sɔ́r a ʋlɩ bibir nɛ. 17A Zakɔb ʋl tɩ cen nɩ Sukotɩ. Ʋ tɩ ŋmãa nɩ yir a be a ʋl mɩŋa ƴãw, ɛ́ maalɩ sɛwr a ʋ dʋn ƴãw. Alɛ so bɛ bʋɔlɛ a zie ʋl kɛ́ Sukotɩ#33:17 Sukotɩ: A zie ŋa pɩɛ'lɩ a Yabɔkɩ bà-fʋɔla, a Zurdɛ̃ man saa-pɛrɩ́., a pɛr lɛ kɛ́ “Sɛwr.”
A Zakɔb zɩ̃ na pɩɛlɩ Sɩsɛm tẽw
18A Zakɔb na tɩ yi a Mezopotami tẽw Saa-zu waar a, ʋ wa ta n Sɩsɛm tẽ-kpɛ̃ɛ na be a Kanãa tẽw a, ɛ́ bom za bɛ ɩ ʋ ɛ. Ʋ tɩ maal'ɩ a ʋ laɩ pɩɛlɩ a tẽ-kpɛ̃ɛ. 19Hamɔɔr'ʋ tɩ mɛ a Sɩsɛm tẽ-kpɛ̃ɛ ŋa. A Zakɔb tɩ dà n a zie ʋl ʋ na maalɩ a ʋ pɛn-sɛw a, a Hamɔɔr bʋʋrɛ zie. Salm-pla libie kʋba (100) n'a ʋ tɩ dà n#33:19 A daar nɛ a, a pɛ́rʋ mɩ́ tɩ dà n salm-pla libi-been.. 20Ʋ tɩ maal'ɩ bàwr-maal-kuur a be por kɛ́ “Ɛl, a Ɩsɩrayɛl Naaŋmɩn.”
اکنون انتخاب شده:
Yele-za-pɛr-tib 33: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.