Yele-za-pɛr-tib 28
28
1A Ɩzaakɩ tɩ bʋɔl'ɩ a Zakɔb wa ƴɛ̀r nɔ-vla ƴãw ʋ, ɛ́ ƴãw nʋɔr ŋa kʋ̀ ʋ: «Taa kule a Kanãa tẽw powle kãw za ɩ. 2Cen a Mezopotami tẽw Saa-zu, a fʋ mã sãà Betuwɛl zie, tɩ kul a fʋ mã-dɛb Labã pɔwyaa kãw a be. 3A Naaŋmɩn kpɛnʋ-za-sob, ʋ maalɩ fʋ, ʋ ɩ fʋ yɛ̀r yãwmɛ yaga, ɛ́ ɩ nɩ-bʋʋrɛ na yãwmɛ ɓã taa a sãàkʋm. 4Ʋ kʋ̀ fʋ̃ʋ nɩ a fʋ bʋʋrɛ a maalʋ mɛ̃ a Abraham a, fʋ tʋ̃ɔ́ so a tẽw fʋ na kpɩɛr a, a tẽw a Naaŋmɩn na kʋ̀ a Abraham a#28:4 Nyɛ̃ 17.4-8..» 5À ŋá n'a a Ɩzaakɩ tɩ ƴãw a Zakɔb cen a Mezopotami tẽw Saa-zu, a Aram tẽw dɔɔ Betuwɛl bidɛb Labã na ɩ a Zakɔb nɩ Ezawu mã Erebeka yɛ-dɛb a zie.
6A Ezawu tɩ wõ na k'aa Ɩzaakɩ ƴɛ̀r'ɩ nɔ-vla ƴãw a Zakɔb, ɛ́ ƴãw k'ʋʋ cen a Mezopotami tẽw Saa-zu tɩ de pɔw a be. Ʋ mɩ̀ tɩ wõ na k'aa lɛn daar ʋ na tɩ ƴɛ̀rɛ a nɔ-vla ƴãwnɛ ʋ a, ʋ yel ʋ nɩ à ŋá: «Taa kule Kanãa tẽw powle ɩ.» 7A Zakɔb tɩ sàw nɩ a ʋ sãà nɩ a ʋ mã nʋɔr cen a Mezopotami. 8Lɛ n'a a Ezawu tɩ nyɛ̃ bãw k'aa Kanãa tẽw powli bɛ pɛlɩ a ʋ sãà Ɩzaakɩ pʋɔ ɩ. 9Ʋ tɩ cen na tɩ páw a Abraham bidɛb Ɩsɩmayɛl, kul a ʋ pɔwyaa Mahalatɩ na ɩ a Nebayɔtɩ yeepuule a, ƴãw pʋɔ a ʋ pɔwbɛ ƴãw.
A zánʋ a Zakɔb na zánɩ a Betɛl a
10A Zakɔb tɩ yi n a Bɛɛr-Seva cen Haran. 11Ʋ tɩ ta n zie kãw gã, a mʋ̃tɔ̃w na tɩ kpɛ a ƴãw. Ʋ tɩ ɓáw nɩ kʋsɩɛr kɔw nɩ a zu gã nɩ a be. 12Ʋ tɩ zanɩ na nyɛ̃ dɛ́r na tewli a tẽsɔw ɛ́ a nyʋɔr tɩ tɔ a salom a. Naaŋmɩn malkɩ mɩnɛ tɩ dúor'ɩ a dɛ́r ɛ́ siwr#28:12 Nyɛ̃ Zã 1.51.. 13A Sore tɩ àr'a kɔw a Zakɔb ɛ́ yere kʋ̀rɛ ʋ: «Mãa n'ɩ a Sore, a fʋ sãàkʋm Abraham Naaŋmɩn, a Ɩzaakɩ Naaŋmɩn. A tẽsɔw ŋa zu fʋ na gã a, ɩ̃ na kʋ̀ ʋ nɩ fʋ̃ʋ nɩ a fʋ bʋʋrɛ. 14A fʋ bʋʋrɛ na yãwmɛ na mɛ̃ a tẽsɔw tanɛ a. A nyɩ tẽsɔw na yɛ̀lɩ na cen a mʋ̃tɔ̃w-kpɛb-lowr nɩ a saa-pɛrɩ́, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr. Fʋ̃ʋ nɩ a fʋ bʋʋrɛ ƴãw n'a ɩ̃ na maalɩ a tẽw zu nɩ-bʋʋrɛ za. 15Ɩ̃ be n a fʋ zie, ɩ̃ na gùre fʋ nɩ zie nɛ za fʋ na cere a, ɩ̃ɩ na lɛb'a tɛr fʋ wa n a tẽw ŋa pʋɔ. Ɩ̃ kʋ̃ zawrɩ fʋ bɛr ɛ, ɛ́ gù ɩ̃ tɩ maalɩ a lɛ za ɩ̃ na yel kʋ̀ b a.»
16A Zakɔb tɩ zaw na ìr ɛ́ yel: «Yel-mɩŋa za, a Sore be n a ka, ɩ̃ɩ bɛ tɩ bãwnɩ a ɩ.» 17Dɛ̃bɩ̃ɛ tɩ kpɛ ʋ na, ʋ yel: «Nyɛ̃ zie na ɩrɛ dɛ̃bɩ̃ɛ a! Bom za bɛ n'ʋ, a bɛ ɩ a Naaŋmɩn yir nɩ a tẽ-vla dɩ̃dɔr ɛ!» 18A Zakɔb tɩ dãwnɩ nɩ ìru, de a kʋsɩɛr ʋ na kɔw nɩ a zu a bin teli ɛ́ cir kãá ƴãw a nyʋɔrɩ́, ʋ ɩ kʋsɛ-tela. 19Ʋ tɩ por'ɩ a zie nɛ kɛ́ Betɛl, a pɛr lɛ kɛ́ “Naaŋmɩn yir”. Ɛcɛ bɛ tɩ bʋɔlɛ nɩ a zie ŋa a koro za kɛ́ Luuzɩ. 20Al pùorí a Zakɔb tɩ kõ n nʋɔr ŋa: «A Sore wa be a ɩ̃ zie, ɛ́ wa gù m a ɩ̃ sɔ́r zu a, ʋlɛ wa kʋ̀ m bʋ̃-dɩrɩ nɩ bʋ̃-suuri a, 21mãa wa lɛb wa a ɩ̃ sãà yir ɛ́ bom za bɛ ɩ m a, a Sore na ɩ n a ɩ̃ Naaŋmɩn. 22A kʋsɩɛr ŋa ɩ̃ na bin teli ɛ́ maalɩ a na ɩ n Naaŋmɩn yir, ɛ́ a alɩ bome nɛ za a Naaŋmɩn na na kʋ̀rɛ mɛ̃ a, ɩ̃ na mɩ́ kʋ̀ ʋ nɩ a ziir pie sob.»
اکنون انتخاب شده:
Yele-za-pɛr-tib 28: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.