Yele-za-pɛr-tib 23
23
A Abraham na ya bɔw ũù a Saara a
1A Saara yome tɩ ɩ n lɩz'a ayʋɔb nɩ ayopõi (127). 2Kɩrɩyatɩ-Arba n'a ʋ tɩ kpi, a pɛr lɛ k'aa Ebrɔ̃, a Kanãa tẽw. A Abraham tɩ maal'ɩ a ʋ pɔw kuor, kõ ʋ. 3Al pùorí, ʋ tɩ bɛr'ɩ a kũu ɛ́ ìr cen a Hɛtɩ#23:3 Hɛtɩ bʋʋrɛ: A Hititɩ mɩnɛ nɛbɛ tɩ ɩ a Hɛtɩ bʋʋrɛ. Nyɛ̃ kan-nɛ́ɛ 10 sob. bʋʋrɛ zie tɩ ƴɛ̀r à ŋá: 4«Ɩ̃ kpɩɛr'ɩ a nyɩ sɔgɔ mɛ̃ nʋʋra nɩ sãan a. Nyɩ kʋ̀ m kũu ũufʋ zie a nyɩ ka ɩ̃ so ʋ, tʋ̃ɔ́ ɓáw a ɩ̃ kũu tɩ ũù#23:4 Nyɛ̃ Nɩ-t 7.16..» 5A Hɛtɩ bʋʋrɛ tɩ sɔw ʋ na: 6«Ɩ̃ sore e, bɛr wõ a tɩ ƴɛ̀rʋ! Naaŋmɩn ɩ na fʋ ɩ nãà a tɩ sɔgɔ. Ũù a fʋ kũu a tɩ bɔw-vla vla za pʋɔ. Tɩ been kãw za bɛ sàwr sɩbr fʋ a ʋ bɔw a fʋ kũu ũufʋ ƴãw ɛ.»
7A Abraham tɩ ɩ̀r'a gbĩ dume gũu tɩ tɔ tẽw a Hɛtɩ bʋʋrɛ na kpɩɛr a vuo ŋa a niŋé, 8ɛ́ yel bɛ: «Nyɩmɛ wa sɩrɩ sàw k'ɩ̃ɩ ũù a ɩ̃ pɔw a nyɩ zie ka a, nyɩɩm wõ a ɩ̃ ƴɛ̀rʋ ɛ́ zɛlɩ a Sohaar bidɛb Efron ʋ bɛr wõ m. 9Ʋ kʋ̀ m a Makɩpela tãw bɔw na ɩ a ʋ sób ɛ́ be a ʋ púo nʋɔr a. Ʋ kʋ̀ m mɛ̃ a lɛ a ʋ daarʋ na ɩ a, a nyɩ niŋé, a bɔw ŋa tʋ̃ɔ́ ɩ a ɩ̃ sób.» 10A Hititɩ dɔɔ Efron tɩ be n be, zɩ̃ a ʋ tẽ-bi-taabɛ sɔgɔ. Ʋ tɩ sɔw nɩ a Abraham k'aa Hititɩ mɩnɛ za na tɩ wa zɩ̃ a tẽw dɩ̃dɔr nʋɔr a, kɛ́ bɛ tʋ̃ɔ́ wõ a ʋ ƴɛ̀rʋ. Ʋ tɩ yel'a: 11«Aɩ! Ɩ̃ sore e, bɛr wõ a ɩ̃ ƴɛ̀rʋ: ɩ̃ kʋ̀rɛ fʋ nɩ a púo, ɛ́ kʋ̀rɛ fʋ a tãw bɔw na be a pu-pʋɔ a. A ɩ̃ bʋʋrɛ nɩbɛ niŋé n'a ɩ̃ kʋ̀rɛ fʋ, ũù a fʋ kũu a be.»
12A Abraham tɩ lɛb'a maal gbĩ dume gũu tɩ tɔ tẽw a tẽw dem niŋé, 13al pùorí ʋ ƴɛ̀r a Efron zie, kɛ́ bɛ za tʋ̃ɔ́ wõ a: «Fʋ̃ʋ ʋ, mɩ̀ sàw bɛr wõ m! Ɩ̃ kʋ̀rɛ fʋ nɩ a púo libir, sàw de ʋ a ɩ̃ nũú, ɩ̃ɩ na ũù nɩ a ɩ̃ kũu a be.» 14A Efron lɛb yel a Abraham: 15«Ɩ̃ sore e, bɛr wõ a ɩ̃ ƴɛ̀rʋ: tẽsɔw a daarʋ na ɩ salm-pla libie kɔbr anaar a (400), bʋ̃ʋ n'ɩ á ŋá, mãa nɩ fʋ̃ʋ cara pʋɔ? Ũù a fʋ kũu!»
16A Abraham nɩ a Efron tɩ wõ n taa. Ʋ tɩ sɔr'ɩ a libie nʋɔr a Efron na yel a ʋ tẽ-bi-taabɛ wõ a kʋ̀ ʋ: a tɩ ɩ n salm-pla libie kɔbr anaar (400) mɛ̃ a lɛ a na tɛwr a dàa pʋɔ a. 17À ŋá n'a a Efron púo na be a Makɩpela, a Mamire saa-pɛrɩ́ a, nɩ a tãw bɔw na be a púo pʋɔ a, nɩ a tɩɩr za na be a púo pʋɔ a 18tɩ lɩɛbɩ a Abraham sób. A Hititɩ mɩnɛ za na tɩ wa a tẽw dɩ̃dɔr nʋɔr a tɩ dɩ n a dãsɩɛ.
19A pùorí n'a a Abraham tɩ ũù a ʋ pɔw Saara a Makɩpela púo tãw bɔw pʋɔ na pɩɛlɩ a Mamire a, a pɛr lɛ k'aa Ebrɔ̃, a Kanãa tẽw. 20À à ŋá n'a a Abraham tɩ páw a púo nɩ a tãw bɔw a Hititɩ mɩnɛ zie, k'ʋʋ tʋ̃ɔ́ mɩ́ ũù a ʋ kũuni.
اکنون انتخاب شده:
Yele-za-pɛr-tib 23: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.