Yele-za-pɛr-tib 20
20
Abraham nɩ Abimelɛkɩ yele
1A Abraham tɩ yi n a be cen a Negɛɛvʋ vuo pʋɔ, tɩ kpɩɛr Kadɛsɩ nɩ Súùr cara pʋɔ, al pùorí ʋ cen tɩ zɩ̃ Geraar. 2A Abraham tɩ yere nɩ à ŋá a ʋ pɔw Saara ƴãw: «Ɩ̃ yeepuule n'ʋ#20:2 Nyɛ̃ 12.13..» A Geraar tẽw nãà, Abimelɛkɩ, tɩ ƴãw na bɛ tɛr a Saara wa kʋ̀ ʋ. 3Ɛcɛ a Naaŋmɩn tɩ ɩ na a Abimelɛkɩ nyɛ̃ ʋ zánʋ pʋɔ a tɩ̃ɩsɔw, ʋ yel ʋ: «Fʋ na kpi na, a pɔw fʋ na tɛr a ƴãw, bʋ̃ʋ n'ʋ vɛ̃, ʋ kul'ɩ sɩr.» 4A Abimelɛkɩ na bɛ tɩ pɩɛlɩ a Saara sɛr a, tɩ sɔw na: «Sore e, a ɩ̃ nɩbɛ nɩ a mãa za bɛ tɛr sãwna ɩ. Fʋ na cãà na ɩ tɩ kpi bɩɩ? 5A Abraham mɩŋa n'ʋ yel mɛ̃ k'ʋʋ yeepuule n'ʋ, ʋʋ mɩ̀ yel k'ʋʋ yɛ-dɛb ʋ. Ɩ̃ pʋ-pla n'ʋ ɩ̃ ɩ n, ɛ́ bɛ sãw bom za ɩ.»
6A Naaŋmɩn tɩ sɔw ʋ nɩ a zánʋ pʋɔ yel: «Ɩ̃ mɩ̀ bãwnɩ a na a fʋ pʋ-pla na n'ʋ fʋ ɩ n a. Mãa mɩ̀ cãà n'ʋ bɛ sàw fʋ maalɩ a yel-bier sãw mɛ̃ ɩ, alɛ n'a so ɩ̃ bɛ sàw fʋ tɔ a pɔw ɛ. 7Ƴɛrɛŋa a, lɛb kʋ̀ a pɔw ŋa a ʋ sɩr. Naaŋmɩn-ƴɛ̀r-manɛ n'ʋ, ʋ na puor'a kʋ̀ b fʋ cãà vʋʋrɛ. Fʋ̃ʋ bɛ wa lɛb tɩr a pɔw a, bãwnɩ a fʋ na na kpi, fʋ̃ʋ nɩ a fʋ nɩbɛ za a, zɛlɩ bɛr bɛ ka be ɩ.»
8A Abimelɛkɩ tɩ ìr'ɩ biɓaar-pipi bʋɔlɩ a ʋ tõ-tõ-biir za wa manɩ a yel ŋa kʋ̀ bɛ, a tɩ ɩ bɛ dɛ̃bɩ̃ɛ yaga. 9Ʋ mɩ̀ tɩ bʋɔl'ɩ a Abraham wa sowr'ʋ: «Bʋ̃ʋ n'ʋ fʋ ɩ tɩ à à ŋá? Bʋ̃ʋ n'ʋ ɩ̃ ɩ sãw fʋ, kɛ̀ fʋ ɩ mãa nɩ a ɩ̃ naalʋ-tẽw za nãá maalɩ a yel-bier ŋa tɔ? Fʋ ɩ n a ɩ̃ zie mɛ̃ a na bɛ tɛr sɔ́r kɛ́ bɛ mɩ́ ɩ a.» 10A Abimelɛkɩ tɩ cãà na lɛb yel: «Bʋ̃ʋ n'ʋ ƴãw fʋ fʋ ɩ à à ŋá?» 11A Abraham tɩ sɔw na: «Ɩ̃ tɩɛr'ɩ ɩ̃ pʋɔ k'aa ka dem bɛ zɔrɛ Naaŋmɩn zaa pʋrɩ ɛ, kɛ́ bɛ na kʋ m'ɩ a ɩ̃ pɔw ƴãw. 12Ɛcɛ sɩza n'a ʋ ɩ a ɩ̃ yeepuule: tɩ lãw nɩ sãà, ɛ́ bɛ lãw mã ɩ, alɛ n'a so ʋ tʋ̃ɔ́ ɩ a ɩ̃ pɔw. 13A lɛ a Naaŋmɩn na tɩ ƴãw ɩ̃ yi ɛ́ bɛr a ɩ̃ Sãà yir a, ɩ̃ yel'ɩ a Saara: “Maalʋ ŋa n'ʋ ɩ̃ zɛlɛ a fʋ zie: zie za tɩ na tarɛ a, mɩ́ yel k'ɩ̃ɩ ɩ n a fʋ yɛ-dɛb.”»
14A Abimelɛkɩ tɩ lɛb'a kʋ̀ a Abraham a ʋ pɔw Saara, ɛ́ lãw kʋ̀ n ʋ píir nɩ bʋʋr nɩ nĩi lãwnɩ tõ-tõ-bi-dɛbr nɩ tõ-tõ-bi-pɔwbɛ. 15Ʋ tɩ cãà na yel a Abraham: «A ɩ̃ tẽw n'ɩ ŋan a fʋ niŋé, zɩ̃ be za fʋ na nɔnɛ a.» 16Al pùorí ʋ yel a Saara: «Nyɛ̃, ɩ̃ kʋ̀rɛ nɩ a fʋ yɛ-dɛb salm-pla libie túr (1 000): bãwfʋ n'ʋ a bɛlɩ dem za na lãw kpɩɛr'ɩ fʋ a zie, kɛ́ fʋ bɛ tɛr sãwna a yel ŋa pʋɔ ɩ. Ɛ́ a fʋ yúor kʋ̃ sãw a nɩbɛ za zie ɩ.»
17A Abraham tɩ zɛlɩ nɩ a Naaŋmɩn ʋ sanɩ a Abimelɛkɩ nɩ a ʋ pɔw de nɩ a ʋ tõ-tõ-bi-pɔwbɛ, ɛ̀ bɛ lɛb tʋ̃ɔ́ dɔwr. 18Bʋ̃ʋ n'ʋ vɛ̃, a Sore tɩ ɩ na a Abimelɛkɩ yir pɔwbɛ za ɩ pɔw-ãanbɛ, a Abraham pɔw Saara ƴãw.
اکنون انتخاب شده:
Yele-za-pɛr-tib 20: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.