Yele-za-pɛr-tib 15
15
Naaŋmɩn maal'ɩ nɩ a Abram wõ-taa
1A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.» 2A Abram tɩ sɔw na: «Sore Naaŋmɩn i, bʋnʋ ƴãw n'a fʋ na dɩ tuo kʋ̀rɛ mɛ̃ bom? Ɩ̃ kule na ɛ́ bɛ tɛr bie ɩ, ɛ́ Eliezɛɛr na yi Damasɩ a n'ʋ na so a ɩ̃ yir.» 3Ʋ tɩ yel'a ƴãw pʋɔ: «Fʋ bɛ kʋ̀ m bʋʋrɛ ɩ, ɛ́ a ɩ̃ tõ-tõ-bie kãw n'ʋ na so a ɩ̃ bome.» 4Lɛ n'a a Sore lɛb tɩ ƴɛ̀r a ʋ zie à ŋá: «Ʋlɛ bɛ n'ʋ na ɩ a fʋ gbã-dɩrɛ ɩ, a fʋ bʋ̃-dɔwra n'ʋ na ɩ a fʋ gbã-dɩrɛ.» 5Ʋ tɩ tɛr'ɩ a Abram yi n yẽw tɩ yel ʋ: «Jɩ́r a salom kaa, ɛ́ sɔ́r a ŋmar-bie bãw a nʋɔr fʋ̃ʋ wa tʋ̃ɔ́ a.» Al pùorí ʋ yel ʋ: «À ŋá n'a a fʋ bʋʋrɛ nãà yãwmɛ sɛw.»
6A Abram tɩ sàw na de a Sore, lɛ so a Sore tɩ sàw kʋ̀ ʋ k'ʋʋ ɩ n nɩ-mɩŋa. 7Ʋ tɩ yel ʋ na: «Mãa n'ɩ a Sore na ɩ fʋ yi kɛ́ bɛr a Uur na be a Kalde a, k'ɩ̃ɩ wa kʋ̀ b a tẽw ŋa fʋ so ʋ.» 8A Abram tɩ sowr'a: «Sore Naaŋmɩn i, ŋmɩŋmɩn n'a ɩ̃ na bãw k'ɩ̃ɩ na so ʋ na?» 9A Sore yel ʋ: «Cen tɩ bɔ yome ata na-sɩra, yome ata bʋ-sɩra, yome ata pʋ́ra, ŋmam nɩ naŋmã-pɔl wa kʋ̀ m.» 10A Abram tɩ wa n nɩ a dʋn á ŋá za wa põ-zɛ̃-taa, ɛ́ vár vár ŋma, bin a bʋ̃-ŋmaarɛ tori taa#15:10 Wõ-taa maalʋ bãwfʋ n'ʋ.. Ɛcɛ ʋ bɛ tɩ vár a bʋ̃-pɩgɛ ŋma ɩ. 11Sidume tɩ siw nɩ a bʋ̃-kũuni zu, ɛcɛ a Abram tɩ diw a na bɛr.
12A mʋ̃tɔ̃w na wa kpɩɛr a, a Abram tɩ gúr'ɩ kpalɩtam gã. Tɩ̃ɩsɔw-varkpara na ɩrɛ dɛ̃bɩ̃ɛ a tɩ pili na pàw ʋ. 13A Sore tɩ yel ʋ na: «Bãwnɩ a vla a fʋ bʋʋrɛ na na ɩ nʋʋrɩ tẽw bɛ na bɛ so a pʋɔ a. Bɛ na ɩ n gbãgbaar a be, ɛ́ bɛ dɔwrɩ bɛ yome kɔbr anaar (400)#15:13 A na wa ɩ n a Eziptɩ tẽw gbãgbaalʋ yele.. 14Ɛcɛ a nɩ-bʋʋrɛ bɛl tome bɛ na tõ a, ɩ̃ na ƴãw bɛ nɩ dɔwrʋ, al pùorí a fʋ bʋʋrɛ yi a be nɩ na-bome yaga#15:14 A na wa ɩ n a Eziptɩ tẽw yib yele.. 15Fʋ̃ʋ a, fʋ na cen na tɩ páw a fʋ sãà mɩnɛ nɩ ƴã-ɓaarʋ, fʋ kʋ̃ bãw kpɩɛrʋ a fʋ koru pʋɔ ɛ, ɛ́ bɛ wa tɩ ũù fʋ. 16A dɔw-lɩɛr-taa gb'a anaar sob daar'a a fʋ bʋʋrɛ na lɛb wa a ka. Bʋ̃ʋ n'ʋ vɛ̃, a Amoritɩ mɩnɛ ɩ-faar cãà bɛ ta a tab zie ɩ̃ na diw bɛ bɛr ɛ.»
17A mʋ̃tɔ̃w na wa kpɛ baarɩ a zie sɔb ʋ za a, bɛ wa bere na kure dam na ɩrɛ zʋ̀ʋ́r a, nɩ mɔ̃-'lena vũu a tɔl a dʋn na vár ŋma a cara pʋɔ. 18A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man. 19A Kenitɩ, a Kenizitɩ, a Kadimonitɩ, 20a Hititɩ, a Perizitɩ, a Erefayitɩ, 21a Amoritɩ, a Kanãa tẽw dem, a Gɩrgasitɩ nɩ a Zebizitɩ mɩnɛ tẽw n'ʋ.»
اکنون انتخاب شده:
Yele-za-pɛr-tib 15: DBDC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
La Bible en Dagara © Alliance Biblique du Burkina Faso, 2013.