آیات محبوب کتاب مقدس از Santiago 3

به اشتراک گذاشتن

Pet ech koj u txumb'ale' uva' eq'omal sqa'n, tan a' tzaanajkat tu almika'. As ye'l umaj va'lexh nu kub'an sta'n. As jit ve't o' aach'a'o. Pet sula aama ve't o' sta'n. As nu kutxum ivatz u kumoole', tan a' u b'a'nla txumb'ale' nu kub'ane'. As eela kuxh ivatz u kumoole' nu kub'ane'. As jit o' ka'vatz.

As ab'iste ex uva' at etxumb'al, as a' exe' la k'uchun uva' at etxumb'al ti' eb'anat u b'a'ne' te vemoole'. As ye' la eje'sa etib' tul la eb'an u b'a'ne', tan ech ek'uchate' uva' at etxumb'al.

As jank'al unq'a uxhchile' uva' ni ya'lu tib' ti' uva' b'a'n tatin svatzaj, as a' ve't icha'xale' uva' a' u b'a'ne' nib'an ve'te', as aal chit ve't b'a'n tatin svatzaj la ib'ane'.

tan asoj at chi'anchil aama sevatzaj as ni teesa tib' eq'ii, as va'lexh ve't etatin sevatzaj la ib'ane' ta'n unq'a va'lexhe' uve' neb'ane'.

as k'uxh ni qoksa iq'ii u Kub'aal Tiixhe' tuk' unq'a yole' uva' ni qal ta'n u qaq'e', as an kuxh tuk' u qaq'e' ni qalkat uma'toj va'lexhla yol ti' umaj kumool. As tul o' ivatzib'al u Tiixhe' tuk' u kumoole'. Esti'e' uva' ye' b'a'n uva' nu kub'an tuk' u qaq'e'. As ye' la ib'ane' uva' tuk' unq'a yole' uva' ni tel ch'u'l tu u kutzi'e' la qoksakat iq'ii u Tiixhe'. As an kuxh tuk' u kutzi'e' la qalkat unq'a va'lexhla yole' te u kumoole' unpajte

As ech nib'an u qaq'e' eche' nib'an u xamale', tan mama'la k'axk'o nib'ane'. As k'uxh imool tib' u qaq'e' tuk' u kuchi'ole', as niyansa u qaq'e' u kuchi'ole' ti' teq'ot o' tu u va'lexhe'. Tan asoj ni qal unq'a yole' ta'n u qaq'e' uva' a' tzaanajkat xe' u tx'i'lanaje', as a'e' ni yansan u kutiichajile' vatz u tx'ava'e'.

Pet ech koj u qaq'e', tan ye'xheb'il la oleb' ti' imajle'. As ye' niya'e' ti' talat u va'lexhe', tan ech unq'a yole' uva' ni tale' eche' umaj tz'akab'al uva' ni yatz'one'

Vitz'in vatzik, ni val sete uva' ye' b'a'ne' uva' nimal o' la ok ve't o' chusul tetz unq'a kumoole', tan ootzimal sqa'n uva' ab'iste o' uva' o' chusul, as techal la ich'oti u Tiixhe' sqe kam uve' kat kuchus te unq'a kumoole'