آیات محبوب کتاب مقدس از Santiago 4

به اشتراک گذاشتن

Esti'e' ni val sete, enimataj kam uva' ni tal u Tiixhe' sete. As ye' la enima kam uva' ni tal u tx'i'lanaje'. Asoj ech la eb'ane', as la ooj ve't u tx'i'lanaje' sevatz.

As etoksataj etaama ti' u Tiixhe'. As la toksa Aak taama seti' unpajte. As ex uva' ex aapaav, as etaq'taj kan u va'lexhe' uve' neb'ane'. As eb'antaj u b'a'ne'. As eteesataj unq'a va'lexhe' tu vetaanxelale', jank'al ex uva' nika'kab'in etaama ti' enimat Aak.

As ye' la eje'sa etib' vatz Aak. As Aake' la oksan eq'ii.

As nimla b'a'nil ni taq' ve't u Tiixhe' sqe. Esti'e' uva' ech ni tal uma't u yol ile' uva' tz'ib'amal kan: Ye' nisa' u Tiixhe' uve' nib'an unq'a uxhchile' uve' nije'sa tib' vatz Aak. Pet ni taq' tzan Aak vib'a'nile' ti' unq'a uxhchile' uva' ye' nije'sa tib' vatz Aak, ti'k u yole'.

Ab'il uva' ootzimal ve't u b'a'ne' sta'n as ye' nib'ane', as paave' uve' nib'ane'.

As k'uxh nejaj te Aak, as ye' nek'ule', tan ti' uva' va'lexh uve' netitz'a tul nejaj te Aak, tan a' la etxakonsakat ti' unq'a tacha'v vechi'ole'.

¡Aapaavla uxhchil b'anol va'lexh! As tul ootzimale' seta'n uva' asoj la etachva unq'a va'lexhe' uva' at vatz u tx'ava'e', as ech la eb'ane' eche' nib'an unq'a tename' uva' ni ixvan u Tiixhe', tan ab'il uva' ni b'anon eche' uva' nib'an unq'a tename', as a'e' ni ixvan u Tiixhe'.

¿as kam q'i uva' ech netale' eche' u vee'? Tan ye' ootzimal seta'n kam la epaleb'e q'ejal. As ye' etootza moj isle'l ex q'ejal moj ye'le, tan ech vetiichajile' eche' u suutz'e', tan at u suutz'e' q'ala'm. As tul kat je' q'ii, as kat sotzi.