آیات محبوب کتاب مقدس از Santiago 2

به اشتراک گذاشتن

Esti'e' ni val sete, asoj ye' la ib'an u uxhchile' u b'a'ne' te vimoole', as ye'xhkam la txakon sti', k'uxh ech la tal ile': «At k'ujleb'al unk'u'l ti' u Tiixhe',» chaj la tale'.

Esti'e' uva' ye'l itxa'k u k'ujleb'al kuk'u'le' asoj ye' nu kub'an u b'a'ne' te umaj uxhchil. As ech ve't u k'ujleb'al kuk'u'le' eche' umaj uxhchil uva' ye'l taanxelal ati tan kamnalu ve'te'.

As la val sete, vitz'in vatzik, kam koj la itx'ol umaj uxhchil, asoj la tale' uva' k'ujle'l ik'u'l ti' u Tiixhe', as tul ye' nib'an u b'a'ne' te vimoole'. Asoj ech itxumb'al u uxhchile' nib'ane' tul ni tale' uva' at k'ujleb'al ik'u'l ti' u Tiixhe', ¿as a' kol chit q'a uva' la sotzsal ipaav u uxhchile' tul la ib'an u Tiixhe' isuuchil?

Tan at uxhchil ni niman uva' uma'l kuxh Tiixh ati. ¡B'a'ne' uve' nib'ane' ti' uva' ninima uva' uma'l kuxh Tiixh ati! Pet echat nib'an unq'a sub'ule', tan ninima unq'a sub'ule' uva' uma'l kuxh Tiixh ati. As nit'unt'uch ve'te' vatz u Tiixhe' ta'n xo'vichil.

As kamal at umaj uxhchil uva' ech la tal ile': «Naale' uva' k'ujle'l ak'u'l ti' u Tiixhe'. As ech koj in, tan k'ujle'l unk'u'l ti' Aak, as nunb'an u b'a'nile' te unq'a uxhchile'. ¿As kam la vulb'e vootzita' uva' k'ujle'l ak'u'l ti' u Tiixhe', asoj ye' nab'an u b'a'nile' te unq'a uxhchile'? Pet ech ootzite' uva' k'ujle'l chit unk'u'l ti' u Tiixhe' tan ti' uva' nunb'an u b'a'nile',» chaj u uxhchile' la tale'.

As tul uva' la b'anchu kusuuchil, as ye'l o' la txumax kuvatz, ab'iste o' uva' ye' kat kutxum ivatz unq'a kumoole'. As ab'iste o' uva' kat kutxum ivatz unq'a kumoole', as ye'l o' la xo'v o' tul la b'anchu kusuuchil.

As ootzimal sqa'n uva' ti' kub'anat u b'a'ne' uva' ni tal u Tiixhe', as ni qok jikla aamail vatz Aak. As jit kuxh ti' uva' nu kuk'ujb'a' kuk'u'l ti' Aak. Pet nu kunima Aak unpajte.

As nib'en sqe uva' tul kat inima u Abraham kam uva' kat tal u Tiixhe' ste, as kat ik'uch ve'te' uva' k'ujlik chit ik'u'l aak ti' u Tiixhe'. As aal kat yak'in ve't u k'ujleb'al ik'u'l aake', tan ti' uva' kat inima uva' kam kat tal u Tiixhe' ste.