آیات محبوب کتاب مقدس از Efesotɔwo 4

به اشتراک گذاشتن

Le esiawo teƒe la, mia nɔewo ƒe nu newɔ nublanui na mi, eye mianyo dɔme na mia nɔewo. Mitsɔ nuvɔ̃ ke, abe ale si Mawu hã tsɔ mia tɔ ke mi to Kristo dzi la ene.

Mibɔbɔ mia ɖokui, eye minye ame fafawo. Migbɔ dzi blewuu, eye mitsɔ lɔlɔ̃ gbɔ dzi ɖi na mia nɔewo.

Migana nya ƒoɖi aɖeke nado tso miaƒe nu me o. Ne mieƒo nu la, nya si akpe ɖe eselawo ŋu, eye wòsɔ ɖe ɣe ma ɣi dzi tututu la ko miagblɔ, ale be wòahe yayra avɛ na eselawo.

Miɖe veve helihelĩ, dɔmedzoe kple dziku katã ɖa. Nenema ke miɖe ɣlidodo, ameŋugbegblẽ kple susu vɔ̃ bubu ɖe ame ŋu hã ɖa.

Dzi neku mi, ke migawɔ nuvɔ̃ o. Dziku la neganɔ anyi, zã nado ɖe edzi o. Migana mɔnukpɔkpɔ aɖeke Abosam o.

Miɖe asi le dzɔdzɔme xoxo si nɔ mia si, si na mienɔ agbe si ƒomevi mienɔ va yi la ŋu. Nudzroame siwo blea ame lae gblẽ agbe si mienɔ tsã la. Migbugbɔ miaƒe gbɔgbɔ kple susu wɔ yeyee, eye mitsɔ nɔnɔme yeye, si wowɔ ɖe Mawu ƒe nɔnɔme me, eye wòwɔa nu dzɔdzɔe hele kɔkɔe la, do abe awu ene.

Esi Gbɔgbɔ la bla mi ɖekae la, mido vevie mianɔ anyi le ŋutifafa me.

Eyae ma eƒe nunanawo na mí. Ena ame aɖewo nye amedɔdɔwo, ɖewo nye Mawu ƒe gbeƒãɖelawo, ɖewo ɖea gbeƒã Nyanyui la, ɖewo nye hame la kplɔlawo, eye bubuwo nye nufialawo. Ema nunana siawo be yeatsɔ adzra ame siwo ŋu wokɔ la ɖo, ne woawɔ yeƒe dɔ, eye hekpe ɖe esia ŋu la, yeatsɔ wo atu Kristo ƒe ŋutilã, si nye hame lae. Mawu wɔ esia, be mí katã míava zu ɖeka le nu si dzi míexɔ se la me, eye míava dze si Mawu Vi la keŋkeŋ. Míatsi aɖo ŋutsume asɔ ta kple Kristo, eye eƒe nɔnɔme blibo la nasu mía si.

Ekema míaganye ɖevi sue, siwo nufiafia yeye ɖe sia ɖe ƒe ya ƒona yina gbɔnae, eye ayetɔwo blena dea woƒe aɖaŋu vɔ̃ me la o. Le esia teƒe la, mí, abe ame siwo me lɔlɔ̃ le ene la, míanye nyateƒetolawo, ale be míatsi le go ɖe sia ɖe me le Kristo, si nye ta la me.