آیات محبوب کتاب مقدس از KO HĀKEAI 1

به اشتراک گذاشتن

Pea ko eni, ko e folofola eni ‘a Sihova Sāpaoti, ‘Ai homou loto ke sivi homou ngaahi ‘alunga. Na‘a mou tō ta‘u ke lahi, ka mou utu mai ha momo‘i me‘a; ‘oku mou kai, kae ‘ikai mākona; ‘oku mou inu, kae ‘ikai topono; ‘eku mou ‘ai kofu, ka ‘oku ‘ikai te mou māfana; pea ko ia ‘oku nō ngāue ko ‘ene tali totongi ke ‘ai ki he kato ava.

‘Alu ki he mo‘unga, ‘o fetuku ‘akau mai, pea langa ‘a e fale; pea te u lata ai, pea te u fakalāngilangi‘i au–ko Sihova ia. Ko ho‘omou ‘amanaki na‘e sio ki ha me‘a lahi, kae uoke ko e momo‘i me‘a; pea ‘i ho‘omou fetuku mai ki ‘api, na‘a ku ifi‘i. Koe‘uhi ko e hā?–Ko Sihova Sāpaoti ia mei he Ta‘ehāmai–koe‘uhi ko hoku fale, he kuo tuku lusa, ka ko kimoutolu ‘oku lele leva takitaha ki hono fale ‘o‘ona.