آیات محبوب کتاب مقدس از KO HĀKEAI 2

به اشتراک گذاشتن

‘E hulu ‘a e lāngilangi ‘o e fale ko eni ki mui ‘i he ‘uluaki–ko e folofola ia ‘a Sihova Sāpaoti–pea ‘i he potu ni te u ‘atu ‘a e melino–ko Sihova Sāpaoti ia mei he Ta‘ehāmai.

Pea te u lulu‘i ‘a e ngaahi pule‘anga kotoa, pea ko e Holi ‘o e ngaahi pule‘anga kotoa pē ‘e hoko mai; pea te u fakafonu lāngilangi ‘a e fale ni–ko e folofola ia ‘a Sihova Sāpaoti.

‘Ikai ko e me‘a noa eni ‘i ho‘omou fakatatau kinaua? Ka ko eni, ke ke lototo‘a pē, si‘i Seluipepeli–ko Sihova ia mei he Ta‘ehāmai–pea lototo‘a mo koe, si‘i Siosiua foha ‘o Siosateki, ‘a e taula‘eiki lahi, pea mou lototo‘a kimoutolu, ‘a e kakai kotoa ‘o e fonua–ko Sihova ia mei he Ta‘ehāmai–pea mou ngāue: he ‘oku ou ‘iate kimoutolu ‘e au–ko Sihova Sāpaoti ia mei he Ta‘ehāmai.

Ko e me‘a ki he lea ‘o ‘eku fuakava mo kimoutolu ‘i ho‘omou hū mai mei ‘Isipite, ko ia mo hoku laumālie ‘oku kei tu‘u ‘i homou lotolotonga: ‘oua te mou manavahē.