آیات محبوب کتاب مقدس از Kawikaan 2

به اشتراک گذاشتن

Sapagkat ang PANGINOON ang nagbibigay ng karunungan, kaalaman, at ng pang-unawa.

Anak, tanggapin at ingatan mo sa iyong puso ang mga itinuturo at iniuutos ko sa iyo. Pakinggan mo kung ano ang makapagbibigay sa iyo ng karunungan at kaalaman. Manawagan ka upang ikaʼy maging marunong, at magsumamo ka upang ikaʼy makaunawa na parang naghahanap ka ng pilak o anumang nakatagong kayamanan. Kung gagawin mo ito, malalaman mo kung ano ang pagkatakot sa PANGINOON at mauunawaan mo ang tungkol sa kanya.

Pinagtatagumpay niya ang taong matuwid, siyaʼy kalasag ng mga walang kapintasan. Sapagkat siya ang nagbabantay sa kanilang daraanan, at ang kanilang landas ay kanyang iingatan.

Sapagkat ang taong namumuhay nang matuwid at walang kapintasan ay mabubuhay nang matagal dito sa daigdig. Ngunit ang masasamâ ay palalayasin. Bubunuting parang ugat ang mga taksil.

Ilalayo ka ng karunungan sa masamang babae na gustong umakit sa iyo sa pamamagitan ng kanyang matatamis na salita. Iniwan ng ganyang babae ang napangasawa niya noong kanyang kabataan. Kinalimutan niya ang pangako niya sa Diyos nang silaʼy ikasal.