Nid Fel Hyn mae Pethau i Fod: Sialens 5 niwrnod gan Lysa TerKeurstSampl

Beth Os Ydw i Eisiau Fy Hapus Am Byth Nawr?

Sicr. Cyfforddus. Rhagweladwy.

Dyma i gyd eiriau dw i'n hiraethu am eu defnyddio i ddisgrifio fy mywyd. Fy normal.

Dw i'n amau ​​y byddet ti'n iawn gyda'r rhain yn dermau diffiniol amdanat ti hefyd.

Ond mae'r Arglwydd yn ei gwneud hi'n glir yn ei Air na fydd pethau bob amser yn mynd fel y dymunwn yn y bywyd hwn rhwng dwy ardd:

Dim ond trafferthion gewch chi yn y byd hwn. (Ioan 16:33)

Felly, peidiwch poeni am yfory, cewch groesi’r bont honno pan ddaw. (Mathew 6:34)

Ffrindiau annwyl, peidiwch synnu eich bod chi'n mynd drwy'r ffwrn dân ar hyn o bryd, fel petai rhywbeth annisgwyl yn digwydd i chi. (1 Pedr 4:12)

A gaf i fod yn onest? Mae'r holl drafferth yn achosi blinder.

Mae cerdded llwybr "Dydw i ddim yn gwybod" yn frawychus.

A dyna lle dŷn ni'n blino a gall gafael o’r ansicrwydd o’r hyn sydd i ddod effeithio arnom ni fel ein bod yn cael ein stranglo.

Mae ofn yn ymddangos yn gefnder agos i siom. Maen nhw'n gysylltiedig, oherwydd dŷn ni'n eu teimlo mor ddwfn, maen nhw'n ein parlysu mor hawdd, ac mae'r atebion clir y mae cymaint o Gristnogion yn ceisio eu rhoi arnyn nhw yn ein baglu. Dŷn ni'n awyddus i wneud pethau'n haws nag ydyn nhw go iawn.

Dw i’n deall nawr.

Ond yn y bywyd hwn rhwng dwy ardd nid dyna sut mae'r rhan fwyaf o bethau'n gweithio allan. Dŷn ni'n mynd trwy un siom ac yna daw un arall. Ac un arall.

Dŷn ni i gyd yn dal i feddwl, os gallwn ni oresgyn yr amgylchiad hwn, yna bydd bywyd yn tawelu ac yn olaf bydd y geiriau yn hapus am byth wedyn yn sgrolio ar draws yr olygfa ogoneddus ohonom yn neidio'n hapus i gyfeiriad y machlud.

Ond beth os mai bywyd yn tawelu a'th holl siomedigaethau'n diflannu fyddai'r peth gwaethaf a allai ddigwydd iti?

Beth os yw dy "Dydw i ddim yn gwybod" yn dy helpu, nid yn dy frifo?

Beth os yw dy "Dydw i ddim yn gwybod" yn dy helpu i ollwng gafael ar bethau nad wyt i fod i'w gwybod, oherwydd byddai'r wybodaeth honno'n faich rhy drwm ar gyfer heddiw? Ond mae'r un rwyt yn ei adnabod, yr
Arglwydd, mor berffaith abl i ddioddef y cyfan.

Wyt ti'n cofio'r adnodau hynny a ddarllenon ni am drafferthion? Dyma nhw eto yng nghyd-destun y darnau llawn:

“Dw i wedi dweud y pethau hyn wrthoch chi, er mwyn i chi gael profi'r heddwch go iawn sydd ynof fi. Dim ond trafferthion gewch chi yn y byd hwn. Ond codwch eich calonnau, dw i wedi concro'r byd.” (Ioan 16:33)

“Y flaenoriaeth i chi ydy gadael i Dduw deyrnasu yn eich bywydau a gwneud beth sy'n iawn yn ei olwg; wedyn byddwch yn cael y pethau eraill yma i gyd. 34 Felly, peidiwch poeni am fory, cewch groesi'r bont honno pan ddaw. Mae'n well wynebu problemau un dydd ar y tro.” (Mathew 6:33–34)

“Ffrindiau annwyl, peidiwch synnu eich bod chi'n mynd drwy'r ffwrn dân ar hyn o bryd, fel petai rhywbeth annisgwyl yn digwydd i chi. 13 Dylech chi fod yn hapus am eich bod yn cael dioddef fel y gwnaeth y Meseia. Pan fydd e'n dod i'r golwg eto yn ei holl ysblander cewch brofi llawenydd cwbl wefreiddiol.” (1 Pedr 4:12–13)

Y manylyn hollbwysig i ni gael heddwch yng nghanol popeth dŷn ni'n ei wynebu yw, i ni aros yn agos at yr Arglwydd.

Dŷn ni'n meddwl ein bod ni eisiau cysur yn ystod cyfnodau 'dw i ddim yn gwybod' mewn bywyd. Ond nid yw cysur yn ateb i'w geisio;
yn hytrach, mae'n sgil-gynnyrch y byddwn ni'n ei fedi pan fyddwn ni'n aros yn agos at yr Arglwydd.

YMATEB: Sut allai dy gyfnod o "dw i ddim yn gwybod" fod yn dy helpu mewn gwirionedd, ac nid yn dy frifo? Pa adnod o'r darlleniad heddiw a'th annogodd di fwyaf am hyn? Ymrwyma i'w chofio'r wythnos hon.