Matayo 7

1Tekumweŵo'muŵyenu, namweŵo mwiŋgesa-kwebwa, 2Ukweŵo'ko ukumweŵa, namweŵo mukebwa fyopele'fyo. Kaŵili icakwesye'fintu icimwesya-mo, namweŵo copele'co ŵakamwesesyeni-mo. 3Mbanindo ulukutontomekela uwuŋgululu uŵuli mulinso lyamuŵyoŵe, nekuwulo'kulaŋguluka iciti icili mulinso lyoŵe wemwine? 4Neli mbasyani wakulaŵila kumuwyowe ati: Ŋkusiŵule-mo uwuŋgululu uŵuli mulinso lyoŵe? Kobwene weŵo iciti cili mulinso lyoŵe wemwine. 5Wewakutumpaika, utaŋge ulisiŵule-mo iciti icili mulinso lyoŵe wemwine, eli wakuŵona bwino ukusiwule'muwyowe uwuŋgululu mulinso lyakwe.

6Tekupele'mbwa ifintu ifiswetelele ifyaŵaLesa, neli kuposa Iŋkumba ŵamagalite, siiŋgesa mukulukunyantala-po lukoso, popele nekwaluka nekumusoŋgeni.

7Mulukulomba, popele fikapelwa kuli mweŵo; mulukufwaya-fwaya, popele mukaŵona; mulukukoŋkonsya, popele mukeswilwa. 8Pakuti aŵantu ŵonse ulomba alapoka, neufwaya-fwaya alaŵona; nawoyo ukoŋkonsya-po, aleswilwa. 9Kaŵili pali mweŵo, mba ninani uli nemwana, kani umwano'yo akamulombe siŋkwa, akamupele'bwe? 10Neli kani akalombe isawi, akamupele'nsoka? 11Ifyo kani mweŵo, mweŵakuŵifya, muliisi ukuŵapele'mpese isiweme aŵana ŵenu, tanje cine ŵaWisinwe aŵakwiulu ŵakaŵapele'fiweme aŵo aŵalukuŵalomba. 12Ifintu fyonse lomba ifi mufwaya ati aŵantu ŵamucitileni, kamuŵacitila koti nifyopele'fyo: pakuti ifyo fyamafunde newakusimika.

13Injileni pamulyaŋgo uce: pakuti umulyaŋgo ukulu nensila ikulu iile mukupela kukonalwa; mopele umo emuya newantu aŵenji. 14Pakuti umulyaŋgo uce nensila ice iile mukupela kumweo, sombi uyo ulaŵona aŵace.

15Cenjeleni kuŵakusimika aŵakutumpaika, aŵesa kuli mweŵo ili ŵafwite ifyambelele, sombi mukati muli mimbulu ikali. 16Mukaŵesiŵila kufisepo fyaŵo. Kani aŵantu ŵalaswa imfaina kumyuŋga, neli niŋkuyu kufisosolo? 17Fyopele'fyo imiti yonse iweme ilekata ifisepo ifiweme; sombi imiti iŵipile ilekate'fisepo ifiŵipile. 18Umuti uweme tawisi ukwikate'fisepo ifiŵipile; nemuti uŵipile nawo tawisi ukwikate'fisepo ifiweme. 19Imiti yonse itaikate'fisepo ifiweme, ilatemwa nekuposwa mumulilo. 20Pakuti pali fyefyo kufisepo fyaŵo eko mukaŵesiŵila.

21Aŵakulaŵila kuli neŵo ati: ŴaSikulu! WaSikulu! taŵali ŵonse aŵakenjila muŴufumu bwaKwiulu, sombi weŋka aŵo aŵacita koti kufwaya kwaŵaTata aŵakwiulu. 22Aŵenji ŵakalawila kuli neŵo akasuŵa ako ati: ŴaSikulu! kansi fweŵo tatwalukusimikamwisina lyenu, nekutamfya-mo muŵantu ifiŵanda mwisina lyenu, nakaŵili mwisina lyenu nekulukucite'fimpelampela? 23Eli ŋkawafisulwila ati: Nsinamwisiŵileni-po neŵo; fumeni-po pali neŵo, mweŵakucite'fisendeme!

24Aŵantu ŵonse lomba aŵakumfwa amasiwi anji aya, nekulukwacita, ŵakapalana nemuntu wamano, uwaiŵeke iŋanda yakwe pacibwe; 25lomba imfula yalilokele, neŵuloŵe nekwisa, necipupu icikulu, nekulikuŋka-ko kunanda iyo; sombi tayawile-po, pakuti yalikosele pacibwe. 26Kaŵili awantu wonse aŵakumfwa amasiwi anji aya, nekuwulo'kwacita, ŵakapalana nemuntu utumpile, uwaiŵeke iŋanda yakwe pamuseŋga: 27lomba imfula yalilokele, neŵuloŵe nekwisa, necipupu icikulu, nekulikuŋka-ko kunanda iyo; lomba yaliwile: ukuwa kwaiyo yaliwile ukwakuti.

28Pakweŵa'ti ŵasila ŵaYesu ukulaŵila'masiwi ayo, amaŵumba aŵantu alikaŋkamene lukoso kuŵusambisi bwaŵo; 29pakuti aliŵasambisye koti ŵali neŵukulu, tekoti ŵalembesi ŵaŵo, koku.

Currently Selected:

Matayo 7: AAL59

Highlight

Copy

Compare