Popular Bible Verses from Matayo 7

Share

Mulukulomba, popele fikapelwa kuli mweŵo; mulukufwaya-fwaya, popele mukaŵona; mulukukoŋkonsya, popele mukeswilwa.

Pakuti aŵantu ŵonse ulomba alapoka, neufwaya-fwaya alaŵona; nawoyo ukoŋkonsya-po, aleswilwa.

Aŵantu ŵonse lomba aŵakumfwa amasiwi anji aya, nekulukwacita, ŵakapalana nemuntu wamano, uwaiŵeke iŋanda yakwe pacibwe

Ifintu fyonse lomba ifi mufwaya ati aŵantu ŵamucitileni, kamuŵacitila koti nifyopele'fyo: pakuti ifyo fyamafunde newakusimika.

Pakuti umulyaŋgo uce nensila ice iile mukupela kumweo, sombi uyo ulaŵona aŵace.

Injileni pamulyaŋgo uce: pakuti umulyaŋgo ukulu nensila ikulu iile mukupela kukonalwa; mopele umo emuya newantu aŵenji.

Ifyo kani mweŵo, mweŵakuŵifya, muliisi ukuŵapele'mpese isiweme aŵana ŵenu, tanje cine ŵaWisinwe aŵakwiulu ŵakaŵapele'fiweme aŵo aŵalukuŵalomba.

Tekumweŵo'muŵyenu, namweŵo mwiŋgesa-kwebwa, Ukweŵo'ko ukumweŵa, namweŵo mukebwa fyopele'fyo. Kaŵili icakwesye'fintu icimwesya-mo, namweŵo copele'co ŵakamwesesyeni-mo.

Kaŵili awantu wonse aŵakumfwa amasiwi anji aya, nekuwulo'kwacita, ŵakapalana nemuntu utumpile, uwaiŵeke iŋanda yakwe pamuseŋga

Mbanindo ulukutontomekela uwuŋgululu uŵuli mulinso lyamuŵyoŵe, nekuwulo'kulaŋguluka iciti icili mulinso lyoŵe wemwine? Neli mbasyani wakulaŵila kumuwyowe ati: Ŋkusiŵule-mo uwuŋgululu uŵuli mulinso lyoŵe? Kobwene weŵo iciti cili mulinso lyoŵe wemwine.

Cenjeleni kuŵakusimika aŵakutumpaika, aŵesa kuli mweŵo ili ŵafwite ifyambelele, sombi mukati muli mimbulu ikali. Mukaŵesiŵila kufisepo fyaŵo. Kani aŵantu ŵalaswa imfaina kumyuŋga, neli niŋkuyu kufisosolo?

Fyopele'fyo imiti yonse iweme ilekata ifisepo ifiweme; sombi imiti iŵipile ilekate'fisepo ifiŵipile.

Umuti uweme tawisi ukwikate'fisepo ifiŵipile; nemuti uŵipile nawo tawisi ukwikate'fisepo ifiweme.

Imiti yonse itaikate'fisepo ifiweme, ilatemwa nekuposwa mumulilo.