Ifyakutaŋga 28
28
1Popele apo Isaci walimwitile Yakobi nekumusyucisya nekumucenjesya, nekulaŵila kuli ye ati: Tesi ukope umwanakasi uwapaŵana ŵakwe Kanani, 2Wime, ukaye kuPadanalama, kunanda kwaŵaBetweli ŵawisiŵo ŵanoko; ukapoke uko umukasi kuŵana aŵanakasi aŵakwe Labani, mwinsyo woŵe. 3Lomba ŵaLesa aŵamakosa onse ŵakusyucisye, ŵakuleŋgesye ukufyala, ŵakufusye, ati ukaŵe liŵumba lyaŵantu; 4ŵakupele ukusyuka kwaŵaAblaamu, weŵo neŵana ŵoŵe pamo naweŵo; ati ukapyane icalo ico ici ulukwikala-mo, ici ŵaŵapele ŵaAblaamu ŵaLesa. 5Popele lsaci walimutumine Yakobi; naye aliile kuPadanalama kuli Labani, umwana wakwe Betweli umuSilya, indume yakwe Libeka, nyinaŵo Yakobi naEso.
6Lomba Eso walibwene ati Isaci walimusyucisye Yakobi nekumutuma kuPadanalama mukuupilo'ko umwanakasi; kaŵili ati, ili amusyucisye, alimucenjesye ati: Tesi ukope umwanakasi uwapaŵana ŵakwe Kanani; 7nakaŵili ati Yakobi waliŵomfwile ŵawisi naŵanyina, nekulukuya kuPadanalama; 8kaŵili Eso walibwene ati aŵana ŵakwe Kanani aŵanakasi taŵaŵatemwesye ŵaIsaci ŵawisi; 9popele Eso waliile kuli lsimeli, nekuupila-po paŵakasi aŵo aŵo ali naŵo Makalati, umwana wakwe Isimeli, umwana wakwe Ablaamu, iŋkasi yakwe Nebayoti, ati aŵe mukasi wakwe.
10Popele apo Yakobi walifumine paBeyasyeba, nekwenda ukulukuya kuKalani; 11naye alificile pantu pambi, nekusyala peŋka apo uŵusiku ŵonse, pakuti akasuŵa kale kawile; lomba aliŵulile ibwe limbi lyapapo, nekusamika-po umutwi wakwe, nekulala apo-pantu mukuya mutu lo. 12Popele kaalota, lomba nikucitantilo icitekelwe pacalo capansi, nemutwi waciko nawo ulificile kwi ulu: lomba kuŵona nikuŋkalamba syaŵaLesa silukunina nekulukuseluka pali co. 13Kaŵili kuŵona ŵaYawe ŵaliimakene peulu pali co, nekulaŵila ati: NineŵaYawe, Lesa waŵaAblaamu ŵawiso, nineŵaLesa ŵaŵaIsaci: icalo ici ulele-po weŵo ŋkakupela neŵana ŵoŵe; 14kaŵili aŵana ŵoŵe ŵakalukuli koti lifukutu lyapansi; nakaŵili ukaputila kumbonsi, nakumutulesuŵa, nakunofu, nakusaufu; kaŵili muli weŵo namuŵana ŵoŵe imikoka yaŵantu ŵapansi yonse ikalukusyucila. 15Popele ŵona, ndi naweŵo, ŋkalukukulama konse uko ukalukuya, kaŵili ŋkakubwesesya kuno kucalo cino; pakuti tesi ŋkuleke, ili nsiŋgacite'fyo ifi nalaŵila kuli weŵo.
16Popele Yakobi waliŵucile patulo twakwe, nekulaŵila ati: Cine ŵaYawe ŵali pano-pantu; naneŵo kansi nsifiisiŵile. 17Naye walitinine, nekulaŵila ati: Apa-pantu pakutinisya! Apa tapali pambi, sombi nipananda yaŵaLesa! Apa nipamulyaŋgo uwakwiulu.
18Popele Yakobi waliŵucile ulucelocelo nekuŵule'bwe ili asamicile-po umutwi wakwe, nekuliimika koti lupanda, nekwitila-po amafuta peulu pali lyo. 19Popele alipelicile apo isina lyapapo ati niBeteli: sombi isina lyamusi uyo lyali niLusu pakutaŋga. 20Popele Yakobi alilayene nekulapa ati: Kani ŵaLesa ŵakalukuli naneŵo, nekulukundama mopele muno munsila umu ndukwenda, nekulukumpela-po ifyakulya nefyakufwala, 21ati ŋkabwelele kunanda kwaŵatata neŵutende, popele ŵaYawe ŵakalukuli niŵaLesa ŵanji; 22kaŵili ibwe ili, ili naimika koti lupanda, likalukuli niŋanda yaŵaLesa: nakaŵili pali fyefyo fyonse ifi mukampela, icine pekumi ŋkamupeleni cimo.
Currently Selected:
Ifyakutaŋga 28: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
