Popular Bible Verses from Ifyakutaŋga 28

Share

Popele ŵona, ndi naweŵo, ŋkalukukulama konse uko ukalukuya, kaŵili ŋkakubwesesya kuno kucalo cino; pakuti tesi ŋkuleke, ili nsiŋgacite'fyo ifi nalaŵila kuli weŵo.

Kaŵili kuŵona ŵaYawe ŵaliimakene peulu pali co, nekulaŵila ati: NineŵaYawe, Lesa waŵaAblaamu ŵawiso, nineŵaLesa ŵaŵaIsaci: icalo ici ulele-po weŵo ŋkakupela neŵana ŵoŵe

Popele Yakobi waliŵucile patulo twakwe, nekulaŵila ati: Cine ŵaYawe ŵali pano-pantu; naneŵo kansi nsifiisiŵile.

Popele Yakobi alilayene nekulapa ati: Kani ŵaLesa ŵakalukuli naneŵo, nekulukundama mopele muno munsila umu ndukwenda, nekulukumpela-po ifyakulya nefyakufwala, ati ŋkabwelele kunanda kwaŵatata neŵutende, popele ŵaYawe ŵakalukuli niŵaLesa ŵanji; kaŵili ibwe ili, ili naimika koti lupanda, likalukuli niŋanda yaŵaLesa: nakaŵili pali fyefyo fyonse ifi mukampela, icine pekumi ŋkamupeleni cimo.

kaŵili aŵana ŵoŵe ŵakalukuli koti lifukutu lyapansi; nakaŵili ukaputila kumbonsi, nakumutulesuŵa, nakunofu, nakusaufu; kaŵili muli weŵo namuŵana ŵoŵe imikoka yaŵantu ŵapansi yonse ikalukusyucila.

Popele alipelicile apo isina lyapapo ati niBeteli: sombi isina lyamusi uyo lyali niLusu pakutaŋga.