Ifyakufuma 7
7
1Popele ŵaYawe ŵalilaŵile kuli Mose ati: Ŵona, ndikwalwile niwelesa pamenso akwe Falo; kaŵili Aloni umukwanu akulukuli wakukusimicila. 2Weŵo wakulukulaŵila fyonse'fyo ifi ndukukuŵula; popele Aloni umukwanu akalukulawila kuli Falo ati akasumine ati ŵakafume mucalo cakwe aŵaIsilaeli. 3Popele ŋkakosyo'mutima wakwe Falo, nekufusyo'twisiŵilo twanji nefimpelampela fyanji mucalo caIjipiti. 4Sombi Falo tesi akamumfweni, popele ŋkaŵiko'kuŵoko kwanji pacalo caIjipiti, nekufumya-mo amaŵumba anji, aŵantu ŵanji aŵaIsilaeli, mucalo caIjipiti kumilandu ikulu. 5Popele aŵaIjipiti ŵakesiŵa ati neŵo nineŵaYawe, pakutambiko'kuŵoko kwanji pacalo caIjipiti, nekuŵafumya aŵaIsilaeli pakati pali ŵo.
6Popele apo Mose naAloni ŵalicitile'fyo; fyopele'fyo ifi ŵaŵafundile ŵaYawe, koti nifyopele'fyo kaŵacita. 7Lomba Mose imyaka yakwe yalikumene amakumi asanu naa ta tu, naAloni naye imyaka yakwe yalikumene amakumi asanu naatatu nemyaka itatu peulu, ili ŵalaŵile kuli Falo.
8Peŋka ŵaYawe kaŵalaŵila kuli Mose nakuli Aloni ati: 9Ili akalaŵila Falo kuli mweŵo ati: Lilanjisisyeni icimpelampela; eli ukalaŵile kuli Aloni ati: Ŵula akasako koŵe, ukapose pansi pamenso akwe Falo ati kaaluke ninsoka. 10Popele apo Mose naAloni ŵaliinjile kuli Falo, nekucita koti nifyopele fyo ifi ŵafundile ŵaYawe; popele Aloni wali posele pansi akasako kakwe pamenso akwe Falo, napamenso aŵantu ŵakwe, nako kakaaluka ninsoka. 11Popele apo Falo naye waliŵetile aŵamano nenaŋga: naŵo kaŵili, aŵalaye aŵamucalo ca Ijipiti, ŵalicitile fyopele' fyo nebwaŋga bwaŵo. 12Pakuti ŵonse lukoso ŵaliposele pansi utusako twaŵo, nato katwaluka ninsoka; sombi akasako kakwe Aloni kaliminine utusako twaŵo. 13Popele umutima wakwe Falo walikosele, naye taŵomfwilisye; koti nifyefyo ifi ŵalaŵile ŵaYawe.
14Popele apo ŵaYawe ŵalilaŵile kuli Mose ati: Umutima wakwe Falo uli necitala; alukukana ukuŵaleka aŵantu. 15Ukaye kuli Falo ulucelo; ŵona, akafuma mukuya kumenda; lomba ukemine pambali yanika mukukumana nakwe; kaŵili akasako ako akaalucile ninsoka ukakapinte muminwe yoŵe. 16Popele ukalaŵile kuli ye ati: ŴaYawe, Lesa waŵaEbeya, ŵantuma kuli mweŵo ati: Muŵaleke aŵantu ŵanji, ati ŵakampyunjile mumpaŋga: lomba, ŵoneni, ukufika kumpindi ino tamwaumfwile. 17ŴaYawe ŵalaŵile'fi ati: Mwakwisiŵa ati neŵo nineŵaYawe kuli cici: ŵoneni, nakupama kukasako akali muminwe yanji pamenda amunika, popele o akaaluka milopa. 18Popele isaŵi ilyamunika lyakufwa, nenika nalyo lyakunuŋka: po pele aŵaIjipiti ŵakukanamino'kunwa amenda amunika.
19Popele ŵaYawe ŵalilaŵile kuli Mose ati: Laŵila kuli Aloni ati: Uŵule akasako koŵe, utambike ukuŵoko koŵe peulu pamenda amucalo caIjipiti, napanika syaŵo, napamasiŵa aŵo, napatusiŵa twaŵo tonse utwamenda, ati twaluke milopa; popele pakulukuli milopa monse mucalo caIjipiti, namunoŋgo syaciti namunoŋgo syebwe. 20Popele Mose naAloni ŵalicitile'fyo, ifi ŵafundile ŵaYawe; naye Aloni walisuntwile akasako, nekupama amenda amunika, pamenso akwe Falo, napamenso aŵantu ŵakwe; popele amenda onse amunika alialucile milopa. 21Peŋka isaŵi ilyali munika kalifwa; nenika nayo kainuŋka; lomba aŵaIjipiti taŵaisiŵile ukunwa amenda amunika; kaŵili imilopa yalikumene monse mucalo caIjipiti. 22Popele aŵalaye aŵamucalo caIjipiti ŵalicitile koti nifyopele'fyo kubwaŋga bwaŵo: Iombo'mutima wakwe Falo walikosele, naye taŵomfwile; koti nifyefyo ifi ŵalaŵile ŵaYawe. 23Popele Falo walialucile, nekwinjila muŋanda yakwe, kaŵili naceco taatontoŋkenye mumutima wakwe. 24Popele apo aŵaIjipiti ŵalitulile imikalo mumusesyo wa nika mukufwaya amenda akunwa; pakuti taŵaisiŵile ukunwa amenda amunika. 25Popele insiku sisanu nasiŵili syalipitile, ili ŵapamine inika ŵaYawe.
Currently Selected:
Ifyakufuma 7: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
