Ifyakufuma 6
6
1Popele ŵaYawe ŵalilaŵile kuli Mose ati: Pano wakuŵona ifi ŋkacita kuli Falo; pakuti kukuŵoko ukukosele akaŵaleka; kaŵili kukuŵoko ukukosele akaŵatamfya mucalo cakwe.
2Kaŵili ŵaLesa ŵalilaŵile kuli Mose ati: Neŵo nineŴAYAWE; 3kaŵili nalibwenekele kuli Ablaamu nakuli lsaci nakuli Yakobi koti nineŵaLesa aŵamakosa onse, sombi nsinaisiwilwe kuli ŵo koti lisina lyanji ilyakweŵa ati nineŴAYA WE. 4Kaŵili naliikalicile ukulayana kwanji ukwakuli ŵo, ati ŋkawapele'calo caKanani, icalo cakwikalekala kwaŵo umo ŵalukwikalekala. 5Nakaŵili ndiumfwile ukutoŋgela kwaŵaIsilaeli, aŵo ŵalukuteka aŵaIjipiti; lomba ndianucile ukulayana kwanji. 6Pakuti pali fyefyo kolaŵila kuŵaIsilaeli ati: Neŵo nineŵaYawe, kaŵili ŋkamufumyeni munsi mufipinto fyaŵaIjipiti, ŋkamupulusyeni kuli ŵukalume bwaŵo, ŋkamuluwuleni nekuwoko ukutambicilwe pamo nemilandu ikulu; 7popele ŋkalipokela mweŵo ati mukaŵe ŵantu ŵanji; kaŵili ŋkamuweleni nineŵaLesa ŵenu; eli mukesiŵa ati neŵo nineŵaYawe Lesa wenu, aŵalukumufumyeni munsi yafipinto fyaŵaIjipiti. 8Popele apo ŋkamufisyeni kucalo, ico nasuntwile ukuŵoko kwanji ati ŋkacipela kuli Ablaamu nakuli lsaci nakuli Yakobi; kaŵili ŋkamupeleni icalo ico koti ŵupyani: ninewa Yawe.
9Lomba Mose eli aŋgalawila filya kuŵaIsilaeli; sombi taŵamumfwile Mose pakuti pakuŵombomana mumitima napakuti pali ŵukaili ubwalukuŵapensya.
10Popele apo ŵaYawe ŵalilaŵile kuli Mose ati: 11Injila, ulaŵile kuli Falo imfumu yamucalo caIjipiti, ati ŋgaasumine ati ŵafume mucalo cakwe aŵaIsilaeli. 12Kumfwa Mose walaŵila pamenso aŵaYawe ati: Ŵoneni, aŵaIsilaeli tawanumfwile; mbasyani lomba aŋganumfwa Falo, nemuntu wamilomo iyakuŵulo'kukopolwa? 13Popele ŵaYawe ŵalilaŵile kuli Mose nakuli Aloni, nekuwapele'funde ilyakuŵaIsilaeli nelyakuli Falo imfumu iyakucalo caIjipiti, mukuwafumya aŵaIsilaeli mucalo caIjipiti.
14Aŵa eŵakulu aŵamufikoto fyaŵawisiŵo: aŵana ŵakwe Lubeni umwana wakwe Isilaeli umuwele niwawa: Kanoci naPalu naEsiloni naKami; ifyo efikoto fyakwe Lubeni. 15Neŵana wakwe Simyoni: Yemweli naYamini naOwadi naYacini naSoyali naSyauli umwana wamwanakasi umuKanani; ifyo efikoto fyakwe Simyoni.
16Kaŵili aya emasina aŵana ŵakwe Lefai koti fitentekwa fyaŵo: Gesyoni naKoyati naMelali; lombe'myaka yamweo wakwe Lefai yalikumene imyaka umwando'mo nemakumi atatu nemyaka isa nu naiŵili peulu, 17A ŵana ŵakwe Gesyoni ŵali niLibini naSimyai, koti fikoto fyaŵo. 18Kaŵili aŵana ŵakwe Koyati ŵali niAmulamu na Yisakali naEbiloni naYusyeli; lombe'myaka yamweo wakwe Koyati yalikumene imyaka umwando'mo nemakumi atatu nemyake'tatu peulu, 19Kaŵili aŵana ŵakwe Melali ŵali niMacili naMusi. 20Ifyo efikoto fyaŵena-Lefai koti fitentekwa fyaŵo. Popele Amulamu waliupile Yokebedi iŋkasi yaŵawisi; naye Yokebedi walimufyalile Aloni naMose; lombe'myaka yamweo wakwe Amulamu yalikumene imyaka umwando'mo nemakumi atatu nemyaka isanu naiŵili peulu, 21Kaŵili aŵana ŵakwe Yisakali ŵali niKola naNefeji naSicili. 22Neŵana ŵakwe Yusyeli: Misyaeli naElisafani na Si tili. 23Popele Aloni waliupile Elisyeba, umwana umwanakasi uwakwe Aminadabi, iŋkasi yakwe Nasyoni; naye Elisyeba walimufyalile Nadabi naAbiyu naEliasa naliamali. 24Neŵana ŵakwe Kola: Asili naElikana naAbiasafi; ifyo efikoto fyaŵena-Kola. 25Popele Eliasa, umwana wakwe Aloni, waliupile umwana umbi uwakwe Putyeli; naye umwanakasi uyo walimufyalile Finekasi. Aŵo eŵakulu ŵaŵawisiŵo aŵena-Lefai koti fikoto fyaŵo.
26Aŵo eŵaMose naŵaAloni ŵopele, aŵo ŵalaŵile kuli ŵo ŵaYawe ati: Fumyeni mucalo caIjipiti aŵaIsilaeli koti maŵumba aŵo. 27Aŵo eŵaŵo ŵopele aŵalaŵile kuli Falo imfumu iyamucalo ca Ijipiti, mukuŵafumya aŵaIsilaeli mucalo caIjipiti: aŵo eŵaMose naŵaAloni aŵo ŵopele.
28Popele apo, akasuŵa ako ŵalaŵile ŵaYawe kuli Mose mucalo caIjipiti, 29lomba ŵaYawe ŵalilaŵile kuli Mose ati: Neŵo nineŵaYawe: kolaŵila kuli Falo imfumu iyamucalo caIjipiti, fyonseʼfyo ifi ndaŵila kuli weŵo. 30Sombi Mose walilaŵile pamenso aŵaYawe ati: Ŵoneni, neŵo ndi wamilomo iyakuŵulo'kusilimuka, lomba syani aŋganumfwa Falo neŵo?
Currently Selected:
Ifyakufuma 6: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
