Popular Bible Verses from Ifyakufuma 7

Share

Popele ŵaYawe ŵalilaŵile kuli Mose ati: Ŵona, ndikwalwile niwelesa pamenso akwe Falo; kaŵili Aloni umukwanu akulukuli wakukusimicila.

Popele ŋkakosyo'mutima wakwe Falo, nekufusyo'twisiŵilo twanji nefimpelampela fyanji mucalo caIjipiti. Sombi Falo tesi akamumfweni, popele ŋkaŵiko'kuŵoko kwanji pacalo caIjipiti, nekufumya-mo amaŵumba anji, aŵantu ŵanji aŵaIsilaeli, mucalo caIjipiti kumilandu ikulu.

Popele aŵaIjipiti ŵakesiŵa ati neŵo nineŵaYawe, pakutambiko'kuŵoko kwanji pacalo caIjipiti, nekuŵafumya aŵaIsilaeli pakati pali ŵo.

Popele apo Falo naye waliŵetile aŵamano nenaŋga: naŵo kaŵili, aŵalaye aŵamucalo ca Ijipiti, ŵalicitile fyopele' fyo nebwaŋga bwaŵo. Pakuti ŵonse lukoso ŵaliposele pansi utusako twaŵo, nato katwaluka ninsoka; sombi akasako kakwe Aloni kaliminine utusako twaŵo.

ŴaYawe ŵalaŵile'fi ati: Mwakwisiŵa ati neŵo nineŵaYawe kuli cici: ŵoneni, nakupama kukasako akali muminwe yanji pamenda amunika, popele o akaaluka milopa.

Ili akalaŵila Falo kuli mweŵo ati: Lilanjisisyeni icimpelampela; eli ukalaŵile kuli Aloni ati: Ŵula akasako koŵe, ukapose pansi pamenso akwe Falo ati kaaluke ninsoka. Popele apo Mose naAloni ŵaliinjile kuli Falo, nekucita koti nifyopele fyo ifi ŵafundile ŵaYawe; popele Aloni wali posele pansi akasako kakwe pamenso akwe Falo, napamenso aŵantu ŵakwe, nako kakaaluka ninsoka.