Popular Bible Verses from Ifyakufuma 6

Share

Pakuti pali fyefyo kolaŵila kuŵaIsilaeli ati: Neŵo nineŵaYawe, kaŵili ŋkamufumyeni munsi mufipinto fyaŵaIjipiti, ŋkamupulusyeni kuli ŵukalume bwaŵo, ŋkamuluwuleni nekuwoko ukutambicilwe pamo nemilandu ikulu

popele ŋkalipokela mweŵo ati mukaŵe ŵantu ŵanji; kaŵili ŋkamuweleni nineŵaLesa ŵenu; eli mukesiŵa ati neŵo nineŵaYawe Lesa wenu, aŵalukumufumyeni munsi yafipinto fyaŵaIjipiti.

Popele apo ŋkamufisyeni kucalo, ico nasuntwile ukuŵoko kwanji ati ŋkacipela kuli Ablaamu nakuli lsaci nakuli Yakobi; kaŵili ŋkamupeleni icalo ico koti ŵupyani: ninewa Yawe. Lomba Mose eli aŋgalawila filya kuŵaIsilaeli; sombi taŵamumfwile Mose pakuti pakuŵombomana mumitima napakuti pali ŵukaili ubwalukuŵapensya.

Popele ŵaYawe ŵalilaŵile kuli Mose ati: Pano wakuŵona ifi ŋkacita kuli Falo; pakuti kukuŵoko ukukosele akaŵaleka; kaŵili kukuŵoko ukukosele akaŵatamfya mucalo cakwe.