Ifyakufuma 32
32
1Popele aŵantu, ili ŵabwene ati Mose wakokolo'kuseluka kulupili, waliwuŋganine kuli Aloni, nekulaŵila kuli ye ati; Ima, utuŵumbile ŵalesa, aŵakatutanjilila; pakuti uyo-Mose, uyomuntu uwatufumisye mucalo caIjipiti, tatwisi-po ifyakwikala kwakwe. 2Kumfwa Aloni walaŵila kuli ŵo ati: Kononeni insela syegolide, isili pamatwi aŵakasi ŵenu, neaŵana ŵenu aŵalalume neŵanakasi, mukasilete kuli ncŵo. 3Popele apo aŵantu ŵonse ŵalikonwene insela syegolide isyali mumatwi aŵo, nekusitwala kuli Aloni. 4Naye walilipokele igolide muminwe yawo, nekulikaka mwitumba, nekulisuŋgulula, nekuŵumba icapalene nemwana waŋombe. Naŵo ati: Mbaŵalesa ŵenu, mweŵaIsilaeli, awamufumisyeni mucalo caIjipiti. 5Popele Aloni, pakuciŵona, waliŵunjile amabwe aconto pamenso pali co; naye Aloni kaatulisya ifunde ati: Mailo pakalukuli icitenje icakuli ŵaYawe. 6Naŵo aŵantu ŋgamailo kaŵacelela, kaŵapose'milambu iyakoca, kaŵaleta nemilambu iyawutende: popele apo aŵantu kaŵekala pansi mukulya nekunwa, kaŵema mukulukusyana.
7Peŋka ŵaYawe ŵalilaŵile kuli Mose ati: Koya, useluke; pakuti aŵantu ŵoŵe, aŵo wafumisye mucalo caIjipiti, ŵaliŵifya; 8ŵalipasucile bwaŋgu munsile'yo iyi naŵafundile; ŵalileŋgela umombe usuŋgulucile, nekumucindika, nekumwipaile'milambu, nekulaŵila ati: Mbaŵalesa ŵenu, mweŵaIsilaeli, aŵamufumisyeni mucalo caIjipiti. 9Kaŵili ŵaYawe ŵalilaŵile kuli Mose ati: Naŵaŵona aŵa-ŵantu, lomba ŵona, ŵantu ŵacikaka; 10pano lomba ndeke, ati uŵukali bwanji ŵuŵakalipile, naneŵo mbocelele; popele ŋkakwalula weŵo mukoka waŵantu ukulu.
11Popele apo Mose waliŵakombetele ŵaYawe Lesa wakwe, nekulaŵila ati: Mwewa Yawe, uŵukali bwenu mbanindo ŵulukuŵakalipila aŵantu ŵenu, aŵo mwafumisye mucalo caIjipiti kumakosa akulu nakukuŵoko ukwamakosa? 12Mbanindo waŋgalawila aŵaIjipiti ati: Waliŵafumisye paceŵo iciŵipile, ati ŵakaŵepaile pakati pamapili, ŵaŵocelele ukuŵafumya pamenso pacalo capansi? Alukeni, mufume kukufitwa kwenu ukukali, mukalaŋguluke fimbi ifyakuŵaŵifyo'ku aŵantu wenu. 13Laŋgulukeni ŵaAblaamu naŵalsaci nawaIsilaeli, aŵapyunjisi ŵenu, aŵo mwalilapile mweŵene, nekulaŵila ati: Ŋkafusya aŵana ŵenu, ŵakaŵa koti tuŵaŋgawaŋga utwamwiulu, kaŵili necalo ici conse ici nalaŵila ŋkawapela aŵana ŵenu, lomba ŵo ŵakalukucipyana insiku isyamuyayaya. 14Popele apo ŵaYawe walilaŋgulucile fimbi ifyakuŵifyo'ko uku ŵalaŵile ati ŋkawacita aŵantu ŵanji.
15Popele Mose walialucile nekuseluka kulupili, ili apintile muminwe yakwe ayomaseleti akulayana oŵilo; amaseleti alembelwe poŵilo napa numa; alilembelwe napeulu napanuma. 16Amaseleti ayo alileŋgelwe kuli ŵaLesa, nekulemba nako kwalilembelwe kuli ŵaLesa: kwaliwasilwe pamaseleti. 17Popele Josyua, pakumfwa icipupa caŵantu ili walukuwele'ŋgwele, alilaŵile kuli Mose ati: Pali iŋgwele yaŋkondo mucisasa. 18Naye ati: Talili lisiwi lyaŵalukwaŋga, kawili talili lisiwi lyaŵalukulila pakuti pakutamfiwa; sombi ndukumfwa isiwi lyaŵalukwimba. 19Popele apo, ili apalamine lukoso kucisasa, lomba alibwene umwana waŋombe nekusyana. Popele ukufitwa kwakwe Mose kakukalipa; naye kaaposa amaseleti oŵilo ukwafumya muminwe yakwe, kaakonwena pansi yalupili. 20Naye kaaŵule' camwana waŋombe ico ŵaŵumbile, kaacoca mumulilo, kaacipelesya ati ciŵe koti wuŋga, kaaciposaila pamenda, kaaŵanwinsya aŵaIsilaeli.
21Popele Mose walilaŵile kuli Aloni ati: Mbaŵakucitile'ndo aŵa-ŵantu, pakuti waŵafisisya ukuŵifya ukukulu? 22Kumfwa Aloni ati: Ukufitwa kwaŵasikulu ŵanji kwikalipa; mweŵo muliŵesi aŵantu ati ŵalukufwayo'kuŵifya. 23Pakuti ŵalilaŵile kuli neŵo ati: Utuŵumbile ŵalesa awakatutanjilila; pakuti uyo-Mose, uyo-muntu uwatufumisye mucalo caIjipiti, tatwisi-po ifyakwikala kwakwe. 24Kumfwa naneŵo kandaŵila kuli ŵo ati: Aŵantu ŵonse aŵali negolide ŋgaŵalikonone; fyopele' fyo kaŵampela; naneŵo kandiposa mumulilo, kusaŋga kwafuma umwana waŋombe uyu.
25Popele Mose, ili abwene ati aŵantu ŵali matako lukoso (pakuti Aloni aliŵaleŋgesye ifyo ati ŵaŵe nensoni pakati patupondo twaŵo): 26lomba Mose eli aŋgema mumusiko wacisasa, eli aŋgalaŵila ati: Aŵantu ŵonse ulukuŵasuminina ŵaYawe, ŋgaese kuli neŵo. Popele aŵena-Lefai ŵonse waliwuŋganine kuli ye. 27Naye alilaŵile kuli ŵo ati: WaYawe, Lesa waŵaIsilaeli, ati: Mwense mukake impoko syenu kumunda, mulukupitana ukufika kumisiko yonse lukoso iyakucisasa, mulukwipaya mwense aŵakwanu nefiŵusa fyenu neŵaŵyenu. 28Popele apo aŵena-Lefai ŵalicitile koti lisiwi lyakwe Mose. Popele ako-kasuŵa kwalifwile aŵantu, ukuŵapenda ŵali koti myanda amakumi atatu. 29Lomba Mose ati: Liposeni lelo kuli ŵaYawe, icine mwense muŵaŵucile aŵana ŵenu neŵakwanu; ati ŵamupeleni lelo isyuko.
30Popele apo ŋgamailo, Mose walilaŵile kuŵantu ati: Mwaŵifya nekuŵifya ukukulu; lomba ŵukumo nakuninina kuli ŵaYawe; cipale nakumulamwineni pakuti pakuŵifya kwenu. 31Peŋka Mose kaabwelela kuli ŵaYawe, kaalaŵila ati: Mwe! aŵa-ŵantu ŵaŵifya nekuwifya ukukulu, walicitila ŵale'sa ŵegolide! 32Naŋgawe'fyo pano, kani mwakuŵafitulucila kukuŵifya kwaŵo—; sombi kani ifyo tefyo, ndukumukombeteleni ati munsimaŋganye neŵo mwibuku Iyenu ili mulembele. 33Popele ŵaYawe ŵalilaŵile kuli Mose ati: Aŵantu ŵonse uyo uŵifisye kuli neŵo, niwoyo uŋkasimaŋganya mwibuku lyanji. 34Koya pano, ulukuŵatanjilila aŵantu apo apa nakuŵulile; ŵona, iŋkalamba yanji ikalukukutanjilila; uaŋgawa nifyefyo akasuŵa ako aka ŋkesa-po, ŋkaŵaletela umulandu wakuŵifya kwaŵo.
35Lomba ŵaYawe ŵaliŵapamine aŵantu pakuti ŵalileŋgele icamwana waŋombe ico aŵumbile Aloni.
Currently Selected:
Ifyakufuma 32: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
