Ifyakufuma 31
31
1Popele ŵaYawe ŵalilaŵile kuli Mose ati: 2Ŵona, namwita kwisina lyakwe, Besaleli umwana wakwe Uli, umwana wakwe Ulu, uwapacikoto caŵena-Juda; 3kawili namwisusyo'mupasi waŵaLesa, mumano namukalaŋgo, namumilaŋgwe namuli ŵumfundi ŵonse, 4ati akaalakanye imilimo yamano, nekucite'fintu kwigolide nakwisilifa nakuluŵemba, 5nekupinika amabwe amakweŵo apatali akwikatwa bwino, nekuŵase' fiti, nekucite'milimo yaŵumfundi yonse yonse. 6Popele neŵo, lomba, nasalulwila pamo nakwe Ayolyabi, umwana wakwe Acisamaci, uwapacikoto caŵena-Dani; kaŵili namumitima yaŵantu ŵonse aŵamitima yakalaŋgo ndiŵicilemo amano, ati ŵakaficite fyonse'fyo ifi nakufunda: 7icitente cewuŋgano, nebokosi lyakulayana, necifuniko cacifuto icili-po, nafyo fyonse ifyamucitente; 8netebulu nefiŋkoloŋkolo fyalilyo, necaku teka-po inyale iciswetele pamo nefiŋkoloŋkolo fyacico fyonse, neconto cafinuncile bwino; 9neconto camilambu iyakoca pamo nefiŋkoloŋkolo fyacico fyonse, nemusambilo necapansi kakuli wo; 10nefyakufwala ifipicilwe ukuweme, nefyakufwala ifiswetelele ifyakuli Aloni umu papa tili si, nefyakufwala fyaŵana ŵakwe, mukupyunjila muŵupapatilisi; 11nemafuta akusuŵa-ko, nafilibona ifyafinuncile bwino ifyanse ifyakumulenda uswetelele: koti nifyefyo fyonse ifi ŋkufundile, efi ŵakacita.
12Kaŵili ŵaYawe ŵalilaŵile kuli Mose ati: 13Kolaŵila kaŵili kuŵaIsilaeli ati: Icinenene, mukalukulama ŵasabata ŵanji; pakuti kesiŵilo pali neŵo napali mweŵo pafitentekwa fyenu fyonse; ati mukesiŵe ati neŵo eneŵaYawe nendukumuswesyeni. 14Pakuti pali fyefyo mukalukulama sabata; pakuti uswetelele uwakuli mweŵo; aŵantu ŵonse ukamupufya eukepailwa icine; pakuti aŵantu ŵonse uyo ucite' milimo pakasuŵa ako, uyo-muntu eukapi nikwa ukumufumya pakati paŵantu ŵakwe. 15Imilimo ikalukucitwa insiku sisanu nakamo; sombi pakasuŵa kansiku sisanu nasiŵili epali sabata uwakutusya ukwakutonda, uswetelele uwakuli ŵaYawe: aŵantu ŵonse uyo ukacite'milimo pakasuŵa kasabata, eukepailwa icinenene. 16Pakuti pali fyefyo aŵaIsilaeli ŵakalukulama sabata, ukulukuto nda sabata pafitentekwa fyaŵo fyonse, koti kulayana ukwamuyayaya. 17Kesiŵilo akakuli neŵo newa Isilaeli insiku syonse lukoso; pakuti pansiku sisanu nakamo epo ŵaleŋgele iulu necalo capansi ŵaYawe, lomba pakasuŵa kansiku sisanu nasiŵili epo ŵatusisye nekukatuluka.
18Popele apo, pakusilo'kwambala nakwe palupili lwa Sinai, ŵaLesa ŵalimupele Mose amaseleti aŵili akulayana, amaseleti amabwe, alembelwe-po kumunwe waŵaLesa.
Currently Selected:
Ifyakufuma 31: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
