Ifyakufuma 33
33
1Popele apo ŵaYawe walilaŵile kuli Mose ati: Kamuyeni, mufumepo napapano, mweŵo neŵantu aŵo ufumisye mucalo caIjipiti, muye kucalo ico nalayene nekulapa nakwe Ablaamu nalsaci naYakobi ati: Ŋkaŵapela aŵana ŵenu. 2Lomba ŋkatume'ŋkalamba iyakumutanjilileni; popele ijkatamfya aŵaKanani neŵaAmoli neŵaYeti neŵaPelisi neŵaYifi neŵaJebusi; 3nekumufisyeni kucalo umulukukuŋka amandili neŵuci; pakuti tesi ŋkende pakati pali mweŵo; pakuti muli ŵantu ŵacikaka: niŋgesa kumoceleni pansila.
4Popele apo aŵantu, ili ŵaumfwile ifyeŵo ifyo ifiŵipile, ŵaliŵombomene; tapalipo neli muntu umo uwafwite ifyamataŋgalo fyakwe. 5Popele ŵaYawe ŵalilaŵile kuli Mose ati: Laŵila kuŵaIsilaeli ati: Mweŵo muli ŵantu ŵacikaka; neŵo kani nyende pakati pali mweŵo pakapindi kanini lukoso, niŋgamoceleleni; pakuti pali fyefyo lomba lekeni pano ukufwala ifyamataŋgalo fyenu, ati njisiŵe ifi ŋkamuciteni. 6Popele aŵaIsilaeli ŵalilekele lukoso ukufwala ifyamataŋgalo fyaŵo ukutatika palupili lwaOlebi napansila yaŵo pantanjile.
7Lomba Mose walukutwale'sema nekuliiŵacila pesonde lyacisasa; naye kaaliilika ati Lisema lyewuŋgano. Popele lomba aŵantu ŵonse aŵalukuŵafwaya ŵaYawe, ŵalukufuma ukulukuya kwisema lyewuŋgano, ilyali pesonde lyacisasa. 8Popele apo, ili afumine Mose ukuya kwisema, lomba aŵantu ŵonse kaŵema kaŵemakana, aŵantu ŵonse pamilyaŋgo iyakumasema aŵo, kaŵamulolesya Mose, ili taaŋgenjila mwisema.
9Popele apo, pakwinjila Mose mwisema, ikumbi kaliseluka, kaliiminina pamulyaŋgo uwakwisema: popele ŵaYawe kaŵalukwambala nakwe Mose. 10Popele aŵantu ŵonse kawawona ikumbi lilukwiminina pamulyaŋgo uwakwisema; naŵo aŵantu ŵonse kaŵema kaŵalambila, ŵonse lukoso pamilyaŋgo iyakumasema aŵo. 11Popele ŵaYawe kaŵalukulaŵila kuli Mose pamenso, koti nifyefyo ifi alaŵila kumuŵyakwe umuntu. Popele Mose kaabwelela kucisasa; sombi Josyua, umupyunjisi wakwe, umwana wakwe Nuni, umusaŋkwa, ye taafumine neli kufuma kwisema.
12Peŋka Mose kaalawila kuli ŵaYawe ati: Ŵoneni, mulukulaŵila kuli neŵo ati: Ŵafisye aŵa-ŵantu; sombi tamumbulile uyo umwakutuma naneŵo. Nanŋaŵe'fyo mwalilaŵile ati: Ndikwisi weŵo isma lyoŵe, waŵono'luse kaŵili pamenso anji. 13Pakuti pali fyefyo pano, ndukumukombeteleni ati, kani naŵono'luse pamenso enu, mundanjisye insila syenu, ati ŋkamwisiweni mweŵo, ati icine ŋkawono'luse pamenso enu; kaŵili mulaŋguluke ati umukoka uyu ŵantu ŵenu. 14Naŵo ŵaYawe ati; Pamenso panji pakalukuya, kaŵili ŋkakupela ukutusya. 15Naye Mose walilaŵile kuli ŵo ati: Kani pamenso penu tesi pakalukuya, tekututwala kulya. 16Pakuti pano mundo mwakwisibwa ati ndibwene uluse pamenso enu, neŵo neŵantu ŵenu? Kansi temuli fifi ati mulukuya nafweŵo, fyopele'fyo fweŵo neŵantu ŵenu tulilekene neŵantu ŵonse aŵapamenso pacalo?
17Popele apo waYawe ŵalilaŵile kuli Mose ati: Nakucita nafifi ifi walaŵila; pakuti ulibwene uluse pamenso anji, kaŵili ndikwisi isina lyoŵe. 18Naye Mose ati: Mundanjisye uŵuleme bwenu. 19Kumfwa ati: Nakupisya pamenso enu ukuwama kwanji konse; kaŵili nakutule'sina lyaŵaYawe pamenso oŵe; nakaŵili nakumucito'luse uyo undukufwayo'kucito'luse, nekumucite'ŋkumbu uyo undukufwavo'kucite'ŋkumbu. 20Kaŵili ati: Tesi umbone-po pamenso panji; pakuti tapali-po umuntu uwisi ukumbona nekwikala nemweo. 21Kaŵili ŵaYawe ati: Ŵona pali neŵo pali umupunda, wakwima pacibwe; 22popele lomba, pakulukupita uŵuleme bwanji, nakukuŵika mulupako mucibwe, nekukufimba-po kukuŵoko kwanji, ili nsiŋgapita; 23popele nakufumya-po ukuŵoko kwanji, eli wakumbona panuma; sombi pamenso panji tesi pakaŵonwe.
Currently Selected:
Ifyakufuma 33: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
