Popular Bible Verses from Ifyakufuma 32

Share

Popele aŵantu, ili ŵabwene ati Mose wakokolo'kuseluka kulupili, waliwuŋganine kuli Aloni, nekulaŵila kuli ye ati; Ima, utuŵumbile ŵalesa, aŵakatutanjilila; pakuti uyo-Mose, uyomuntu uwatufumisye mucalo caIjipiti, tatwisi-po ifyakwikala kwakwe.

Peŋka ŵaYawe ŵalilaŵile kuli Mose ati: Koya, useluke; pakuti aŵantu ŵoŵe, aŵo wafumisye mucalo caIjipiti, ŵaliŵifya; ŵalipasucile bwaŋgu munsile'yo iyi naŵafundile; ŵalileŋgela umombe usuŋgulucile, nekumucindika, nekumwipaile'milambu, nekulaŵila ati: Mbaŵalesa ŵenu, mweŵaIsilaeli, aŵamufumisyeni mucalo caIjipiti.

Popele Aloni, pakuciŵona, waliŵunjile amabwe aconto pamenso pali co; naye Aloni kaatulisya ifunde ati: Mailo pakalukuli icitenje icakuli ŵaYawe. Naŵo aŵantu ŋgamailo kaŵacelela, kaŵapose'milambu iyakoca, kaŵaleta nemilambu iyawutende: popele apo aŵantu kaŵekala pansi mukulya nekunwa, kaŵema mukulukusyana.

Popele apo ŋgamailo, Mose walilaŵile kuŵantu ati: Mwaŵifya nekuŵifya ukukulu; lomba ŵukumo nakuninina kuli ŵaYawe; cipale nakumulamwineni pakuti pakuŵifya kwenu.