Nsumikili 2
2
1Ndakazwidwa ndikati, “Izha ngwenu, ndowogwisa kuzwishathisa ndikapembela.” Koga bonani, naikobo madatha. 2Ndakati ngekwe tjiseko, “Bupengo,” ngekwe shatho, “Bhatsho yayo ini wali?” 3Ndakatongo zwibhuzwa mu nkumbulo kuti kene ndinga shathisa mbili wangu nge nkumbi we zhambi; nkumbulo wangu utjandilakidza nge butjenjedu kuziba bulengwe, kuswikilila ndingabona tjakalulwamila kushingwa nge bakololo be bathu mu shango mu mazhuba mashomanana e butjilo gwabo. 4#1 Bomambo 10:23-27; 2 Zwiyitikalo 9:22-27Ndakashinga mishingo mikulu; ndakabaka ng'umba azwilimila minda ye mizhambi, 5ndakazwithamila minda ne pulazi, ngono ndakadzwala mitjelo yakasiyanasiyana muili. 6Ndakazwitshila matshime kuti ndidilidzile miti yandakadzwala. 7#1 Bomambo 4:23Ndakatenga balandalume ne balandakadzi ne bamwe balanda bakazwaligwa mu nzi wangu, ndakabe ne fumwa njinji ye ng'ombe ne pkhwizi ne mbudzi, kupinda bose bakatongobepo mbeli kwangu mu Jerusalema. 8#1 Bomambo 10:10, 14-22Ndakazwikubunganyila siliva ne golide ne fumwa ya bomambo nenge mituthu, ndakazwishakila bambi be tjilume ne be tjikadzi ne zwamba zwinjinji, kuli shatho ye nthu tjilume. 9#1 Zwiyitikalo 29:25Ndizo wali ndakabe nkulu kwazo kupinda bose bakazha kunditangila mu Jerusalema ne butjenjedu gwakabaka mundili. 10Zose zwakabe zwiyemugwa nge mesho angu andizo anyima izo, andizodzibila moyo wangu mizipo, moyo wangu wakawana lushatho mu kushinga kwangu kose, ikoko kwakabe iwo mbhayilo wangu we kushinga kose. 11Ipapo ndakati ndilinga zose zwakashingwa nge maboko angu ne dukuta landakatebula mu kushinga zwithu izwezo, bona, kose kwakabe madatha ne tatana ne phepo, akuna nthu tjaangabhula mu shango.
Butjenjedu ne bulengwe madatha
12Ndizo ipapo ashanduka alingisisa butjenjedu ne bupengo ne bulengwe, ngoti nthu unozha shule kwa mambo ungathamani wali kuzhe kwe tjakathamiwa kale. 13Ndipo pandakabona kuti butjenjedu gopinda bulengwe se tjedza tjipinda zhalima. 14Ntjenjedu una mesho mu nsholo uwe koga tjilengwe tjoyenda mu zhalima. Ngono ndakabona kuti bhelelo labo lofanana. 15Ipapo ndakazwidwa nditi, “Tjinowila tjilengwe tjowondiwilabo, ini ndakabe ne butjenjedu gungapa wali?” Ndakazwidwa nditi naikobo madatha koga. 16Ngoti ntjenjedu koga se tjilengwe unokanganika, se tibona kuti mu mazhuba anozha bose banowobe bakanganika ntolo. Koga se tjilengwe ntjenjedu unofa bo! 17Ndizo abenga butjilo ngoti zose zwinoshingwa mu shango zwakandihwisa zogwadza, ngoti kose madatha ne tatana ne phepo. 18Ndakabenga kushinga kwangu kwandakashinga mu shango, ha ndibona kuti ndakafanila siyila unowozha shule kwangu mu shango, 19kakale ndiyani unoziba kuti unowobe ali ntjenjedu kene tjilengwe? Nenguba ewobe mweni wa zose zwa ndakashingila ndishingisa butjenjedu gwangu mu shango. Naiko ikoku bo madatha. 20Ndizo wali ndakanyala moyo atemeka mafupa ngekwe nshingo wangu wose wandakashinga mu shango. 21Ngoti nthu ungashinga nge butjenjedu nge luzibo nenge bunyambi kudwapo kasiya fumwa yose kujiwa nge nthu usaka ishingila. Naikoko bo madatha ne mbipo yakabangalala. 22Hwuti nthu unobuyigwa ngeni mu kutukutila eshinga ezikitila mu shango? 23#Jobe 5:7; 14:1Nekuti mazhuba awe wose azhele zogwadza, ne nshingo uwe uzhele buyendasi, ne kuli busiku nkumbulo uwe autonyaluluka. Ikoku naiko bo madatha.
24 #
Nsumikili 3:13; 5:18; 9:7; Isaya 56:12; Luke 12:19; 1 Bakorinta 15:32 Akuna tjimwe tjibuya tje nthu kuzhe kwe kuti aje ang'we, kakale awane kushatha mu kushinga kukwe. Ikoku naiko bo, ndakabona, kodwa mu luboko gwe Ndzimu, 25nekuti hakwabe kusi iwo, ndiyani ungaja kene akabe ne kushatha? 26#Jobe 32:8; Makungulupeswa 2:6Nthu unoshathisa Ndzimu, unopiwa butjenjedu ne luzibo ne kushatha, koga ku ntjinyi Ndzimu unompa kukubunganya ne kubutitika, ngono kapelela apa iye unoshathisa Ndzimu. Ikoko bo madatha ne tatana ne phepo.
Kalanga Bible © Bible Society of Botswana, 2008, 2018.