1
Nsumikili 2:26
BHAIBHILI Yakayengemala
KBTP
Nthu unoshathisa Ndzimu, unopiwa butjenjedu ne luzibo ne kushatha, koga ku ntjinyi Ndzimu unompa kukubunganya ne kubutitika, ngono kapelela apa iye unoshathisa Ndzimu. Ikoko bo madatha ne tatana ne phepo.
2
Nsumikili 2:24-25
Akuna tjimwe tjibuya tje nthu kuzhe kwe kuti aje ang'we, kakale awane kushatha mu kushinga kukwe. Ikoku naiko bo, ndakabona, kodwa mu luboko gwe Ndzimu, nekuti hakwabe kusi iwo, ndiyani ungaja kene akabe ne kushatha?
3
Nsumikili 2:11
Ipapo ndakati ndilinga zose zwakashingwa nge maboko angu ne dukuta landakatebula mu kushinga zwithu izwezo, bona, kose kwakabe madatha ne tatana ne phepo, akuna nthu tjaangabhula mu shango.
4
Nsumikili 2:10
Zose zwakabe zwiyemugwa nge mesho angu andizo anyima izo, andizodzibila moyo wangu mizipo, moyo wangu wakawana lushatho mu kushinga kwangu kose, ikoko kwakabe iwo mbhayilo wangu we kushinga kose.
5
Nsumikili 2:13
Ndipo pandakabona kuti butjenjedu gopinda bulengwe se tjedza tjipinda zhalima.
6
Nsumikili 2:14
Ntjenjedu una mesho mu nsholo uwe koga tjilengwe tjoyenda mu zhalima. Ngono ndakabona kuti bhelelo labo lofanana.
7
Nsumikili 2:21
Ngoti nthu ungashinga nge butjenjedu nge luzibo nenge bunyambi kudwapo kasiya fumwa yose kujiwa nge nthu usaka ishingila. Naikoko bo madatha ne mbipo yakabangalala.