Nsumikili 1
1
Tjimwe ne tjimwe madatha
1Awa matama e Nsumikili, nkololo wa Dafite wakabe ali mambo mu Jerusalema,
2“Madatha e madatha,” koleba Nsumikili.
“Madatha e madatha!
Tjimwe ne tjimwe madatha.”
3Nthu unobuyigwa ngeni mukushinga kukwe,
etukutila zwingapa mu shango?
4Tjizekugwana tjimwe tjopinda,
tjizekugwana tjimwe tjozha,
koga shango inogalila tjatjose.
5Zhuba lobhuda kakale zhuba longina,
likatjimbidza labgwilila kwalinobhuda.
6Phepo inohwuhwudzila ku burwa,
ikapotelekela ku bunandzwa,
phepo ino poteleka ika tendeleka,
ikabgwilila kwainodwa.
7Njizi dzose dzowungila ku gungwa,
koga gungwa alitozhala,
njizi kwadzinowungila,
ikoko dzobgwilila kakale.
8Zwithu zose zwizhele manyalo,
nge zila isina ungatjenesa,
zhisho alitogutshiwa ngobona,
na iyo zebe aitozhala ngohwa.
9Tjagalatjilipo nditjo tjinowobepo,
ne tjakatongo shingwa, nditjo tjinowoshingwa,
akuna tjithu tjitshwa mu shango.
10Akuna tjithu tjingayi nge kwatjo,
“Bona, itjetji tjitshwa?”
Tjakatongobepo kale,
mu makole tisathu tikabepo.
11Akuna ikumbuludzo tje zwakatongo bepo,
kene akutobepo kualakana
zwithu zwitjowoshingikala,
muna batjowozha shule kwa ngwenu.
Butjenjedu madatha
12Imi Nsumikili ndakabe mambo we Iziraela mu Jerusalema. 13Ndakashingisa nkumbulo wangu kushaka ne kufunyungudza ne butjenjedu, tjimwe ne tjimwe tjinoshingikala mu shango, Ndzimu wakapa bakololo be bathu ntolo kuti badzulane nawo. 14Ndakabona tjimwe ne tjimwe tjinoshingikala mu shango, koga bonani, tjimwe ne tjimwe madatha ekutatana ne phepo. 15Tjakakombama atjingatambunudziwe ne tjisipo atjingabagwe. 16#1 Bomambo 4:29-31Ndakazwidwa ndikati, “Ndakawana butjenjedu bukulu, kupinda bose bakatongo tungamila Jerusalema kunditangila, kakale nkumbulo wangu wakabe ne kuzhala butjenjedu ne luzibo.” 17Kakale ndakashingisa nkumbulo wangu kuziba butjenjedu ne bupengo ne bulengwe. Ndakabona kuti kose ikoku naiko hwutatana ne phepo koga. 18Mu butjenjedu kuzhele kudziyidzika, kakale iye unopaphidza luzibo unopaphidza buyendasi.
Kalanga Bible © Bible Society of Botswana, 2008, 2018.