Exodus 20
20
Perᴋojat 10. Inuit kapiasukput, Mosesib manigorpait.
1Gûdelo oᴋarpok oᴋautsinik makoninga tamainik, oᴋarlune:
2Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.
3Sanipkut asimnik Gûdeᴋartuksaungilatit.
4Inungoarmik adsingoarmiglônêt sanajuksaungilatit pivlutit, takpâne ᴋilangmêtub adsinganiglônêt, ᴋilaub atânêtub adsinganiglônêt, nunab atânêtub imânêtub adsinganiglônêt:
5Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit:
6Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.
7Nâlekab Gûdivit atinganik atornerluktuksaungilatit, Nâlekab pidlartailiniangimago atinganik atornerluktok.
8Uvlok Sabbateojok erᴋaruk, ivlerijaurᴋovlugo ilingnut.
9Uvlut 6it kingorlerêklutik sanajuksauvotit, suliaksatillo tamaita piniarlugit:
10Uvlulle 7ingane Nâlekab Gûdivit Sabbatinga naliutivok: tagva sumiglônêt sanajuksaungilatit, igvit, ernîllônêt, panîllônêt, kivgallônêt angut, kivgallônêt arnak, nergjuteᴋotitillônêt, ilagingitallônêt najugarnêtok:
11Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.
12Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.
13Inuartuksaungilatit.
14Nuliarêngnermik asseroijuksaungilatit.
15Tigliktuksaungilatit.
16Inôᴋatitit saglôtigivlugit oᴋartuksaungilatit.
17Inôᴋativit iglunganik pijomajuksaungilatit, inôᴋativit nulianganik, kivganganiglo angumik, kivganganiglo arnamik, tuktuvaᴋotinganiglo, siuterᴋortojoᴋotinganiglo, sunatuinarniglônêt inôᴋativit perᴋutinginik pijomajuksaungilatit.
18Inuillo ilûnnatik malugivait kalluit, ᴋaumalaillo, tiptulautiblo nipinga ᴋakᴋaublo iserlungninga: inuillo tamanna takogamitsuk nûput, alivasiktomelo nangerput.
19Mosesemullo oᴋarput: Igvit oᴋarvigitigut, nâlagomavogullo: Gûdible oᴋarviginiaratigut, toᴋolerᴋonata.
20Mosesiblo inuit oᴋautivait: Erᴋsiniarase: Gûde tikisimangmat ôktoromavluse, sivôranarningalo kênapse sânginêrᴋovlugo, idluitulerᴋonase.
21Inuillo alivasiktome nangerput, Moseselo ᴋaglilerpok tâktoksoarmut isortamut Gûdib inigijanganut.
22Nalekablo Mosese oᴋautivâ: Imâk oᴋartuksauvotit Israêlikunut: Takosimavose oᴋarvigigapse ᴋilangmit.
23Silbereojunik gûdeoᴋataujuksanik uvamnut sanajuksaungilase, ilipsingnullo gûdeliortuksaungilase goldeojunik.
24Ivjomik tunerguserviliortuksauvotit uvamnut, tâpsomalo ᴋângane tunergusertuksauvotit tunergutinik ôtaksanik, tunergutiniglo ᴋujalijutiksanik, saugaᴋotingnit tuktuvaᴋotingnillo; inine tamaine atimnik taisiviorᴋojamne tagvane tikitsomavagit saimauseromavagillo.
25Ujarangnigle tunerguservilioromaguvit uvamnut, ujarangnut sanamajunut sanajaksaringilat: sanagutit kivigungne tâpsomunga ivsornartipat.
26Majûtitigullônêt majoartuksaungilatit tunerguservimnut, kangunarnît saᴋᴋijârtitaurᴋonago tâpsoma sângane.
Currently Selected:
Exodus 20: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
