Popular Bible Verses from Exodus 20

Share

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit. Sanipkut asimnik Gûdeᴋartuksaungilatit.

Inungoarmik adsingoarmiglônêt sanajuksaungilatit pivlutit, takpâne ᴋilangmêtub adsinganiglônêt, ᴋilaub atânêtub adsinganiglônêt, nunab atânêtub imânêtub adsinganiglônêt: Taimaitut tuksiarvigijaksaringilatit kivgartornagillo: Uvanga Nâlegaujunga Gûdît ilungertudlarlunga Gûdeogama, atâtat idluitulininginik pidlarnikteojunga ᴋitorngangine uvamnik omisuktune ernerêt kingorlerêt pingajungit sitamangillo tikidlugit

Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.

Uvlok Sabbateojok erᴋaruk, ivlerijaurᴋovlugo ilingnut.

Nâlekab Gûdivit atinganik atornerluktuksaungilatit, Nâlekab pidlartailiniangimago atinganik atornerluktok.

Uvlut 6it kingorlerêklutik sanajuksauvotit, suliaksatillo tamaita piniarlugit: Uvlulle 7ingane Nâlekab Gûdivit Sabbatinga naliutivok: tagva sumiglônêt sanajuksaungilatit, igvit, ernîllônêt, panîllônêt, kivgallônêt angut, kivgallônêt arnak, nergjuteᴋotitillônêt, ilagingitallônêt najugarnêtok

Inôᴋativit iglunganik pijomajuksaungilatit, inôᴋativit nulianganik, kivganganiglo angumik, kivganganiglo arnamik, tuktuvaᴋotinganiglo, siuterᴋortojoᴋotinganiglo, sunatuinarniglônêt inôᴋativit perᴋutinginik pijomajuksaungilatit.

Inôᴋatitit saglôtigivlugit oᴋartuksaungilatit.

Nuliarêngnermik asseroijuksaungilatit.

Inuartuksaungilatit.

Tigliktuksaungilatit.