Exodus 19
19
Gûdib oᴋauserijangit inungnut Mosesekut Sinaimit. Inuit opalungaijartauvut.
1Takᴋit pingajuane, Israêlikut aniningata nunamit Egiptenemit kingorngane, uvlorme tâpsomane tikiput Sinaib sunaᴋajuitunganut.
2Aularsimangmata Refidimit, tikisimavlutiglo sunaᴋajuitomut Sinaimut, tangmârpullo sunaᴋajuitome; tagvane Israêlikut tangmârput ᴋakᴋaub nalâne.
3Moseselo majorarpok Gûdemut, Nâlekablo ᴋaigarsugvigivâ ᴋakᴋamit, oᴋarlune: Imâk oᴋartuksauvotit Jakokunut, Israêlikullo oᴋautilugit;
4Egiptenemiunut piniarnerijakka takolaukpase, ᴋanorlo nangmarapse naktoralît esarᴋunginut, tikiutitiluselo uvamnut.
5Mânnalo nipiga nâlagomagupsiuk nalâgut, angerutigalo nalautsitilugo, tagva pivianartoᴋutiksaunersaulârpose adseogase uvamnut inungnit tamainit: tagva nuna ilûnât pigivara:
6Atanioviojuksaulârpose ajoᴋertuijut uvamnut, inôᴋatigêllo ivsornaitut. Tamadja oᴋautsit oᴋauserijaksarijatit Israêlikunut.
7Moseselo tikipok inuillo angajoᴋângit ᴋairᴋojaurᴋovait, oᴋautsillo tamakkoa tamaita Nâlekab perᴋojangit tâpsomunga sângiutivait tâpkonunga.
8Inuillo ilûnnatik atautsikut kiovut, oᴋarlutiglo: Nâlekab oᴋauserijangit tamaita piniaromavavut. Mosesiblo inuit oᴋausingit âpait Nâlekamut.
9Nâlekablo Mosese oᴋautivâ: Ahâk, tikitsomavagit nuvujame isortaksoarme, inuit tusarkovlugit oᴋarᴋatigigupkit, ilingnullo okperᴋovlugit nâksaungitomik. Mosesiblo inuit oᴋauserijangit oᴋautigivait Nâlekamut.
10Nâlekablo Mosese oᴋautivâ: Inuit aivigikit, ivsornaitilugillo uvlome ᴋaupallo, ergortuilillo annorâmingnik,
11Opalungaijarlillo uvlut pingajuanut: Uvlut pingajuane Nâlegak akᴋaromârmat ᴋakᴋamut Sinaimut inuit ilûnnatik takoane.
12Inuillo kiglilerveᴋartitaksarivatit avatâgut, oᴋarlutit: Ulloreasugitse ᴋakᴋamut majorarᴋonase, aktornagolônêt kiglinga: naliat aktuijok ᴋakᴋamik toᴋotaksauvok.
13Aggaillônêt aktoraksaringilât, kisiane ujarangnut millortaugune pitiktauvlunelônêt; nergjuteokpallônêt inôkpallônêt inôjuksaungilak: tiptulaut sivitojomik nipliarpat, ᴋakᴋamut ᴋaijuksauvut.
14Moseselo atersarpok ᴋakᴋamit inungnut, ivsornaitilaitalo; Tâpkoalo annorâtik ergortorpait.
15Inuillo oᴋautivait: Opalungaijaritse uvlut pingajuanut, arnaselo aktorniarasigik.
16Sunaubvalo, uvlut pingajuane uvlâkut kalluit ᴋaumalaillo, nuvujarlo isortak ᴋakᴋamêpok, tiptulautiblo nipinga niperᴋortudlartok; inuillo ilûnnatik tangmârvingmêtut sajudlarput.
17Mosesiblo inuit anitipait tangmârvingmit Gûde pagrearlugo; nangerpullo ᴋakᴋaub kiglingane.
18ᴋakᴋarle Sinai ilûnnane iserludlarpok, Nâlekab akᴋarvigingmago ikomakut; iserlungalo ᴋongmuarpok sorlo ikomaksoaᴋarviksûb iserlungatut, ᴋakᴋarlo ilûnnane sajukpiludlarpoᴋ angijomik.
19Tiptulautiblo nipinga nipliangmat sivitojomik nipperᴋortosivaliavlunelo, Mosese oᴋarpok, Gûdiblo kiovâ nipekut.
20Nâlegarlo akᴋarpok ᴋakᴋamut Sinaimut, ᴋakᴋaub ᴋânganut. Nâlekablo Mosese ᴋairᴋovâ ᴋakᴋaub ᴋânganut; Moseselo majorarpok.
21Nâlekablo Mosese oᴋautivâ: Atersarit, inuillo inerterkit kibliguterᴋonagit Nâlekamut takojomamut, unuktullo tâpkonangat aserorᴋonagit.
22Ajoᴋertuijullo, Nâlekamut ᴋaglilertut, ivsornaitilit nangminermingnik, Nâlegak kibliguterᴋonago tâpkonunga.
23Mosesiblo Nâlegak oᴋautivâ: Inuit tikitsungnangilat ᴋakᴋamut Sinaimut: inerteraptigut, oᴋarlutit: Kiglilerveᴋartitsilerit ᴋakᴋaub avatâgut, ivsornaitiuglo.
24Nâlekablo oᴋautivâ: Atê, atersarit, majorartuksauvotillo, igvillo Aronelo aiparilugo, ajoᴋertuijulle inuillo kibligutiniaratik majoraromavlutik Nâlekamut, tâmna kibliguterᴋonago tâpkonunga.
25Taimaimat Mosese atersarpok inungnut oᴋarvigilugillo.
Currently Selected:
Exodus 19: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
