1 Corintios 2

Jesucristo cruzchö wanunqanta Pablo willakunqan

1Wawqikuna y panikuna, qamkuna kaqman shamur manam yachaq nunakuna parlayashqannötsu ni pëkuna yarpäyashqannötsu Teyta Diospa willakïninta yachatsikurqü. 2Tsënö yachatsinäpa rantinqa Jesucristo noqantsik rëkur cruzchö wanushqanllatam yachatsiyarquq.

3Qamkunaman chämur mana käyitsiyänaqpaq kashqanta yarparmi alläpa llakikurqü. 4Yachaq nunakuna parlayashqannö y yarpäyashqannö yachatsinäpa rantinqa Espíritu Santupa poderninwanmi yachatsiyarquq. 5Teyta Diospa poderninwan yachatsiyaptiq manam nunakunapa yachëninmantsu markäkïkäyanki, sinöqa Teyta Diosmanmi.

Teyta Dios yarpanqankunata Espíritu Santu käyitsinqan

6Yachaq nunakuna yarpäyashqannö mana yachatsikurpis Teyta Diospa willakïninta shumaq käyikurmi pëman markäkuqkunata yachatsï. Teyta Diospa willakïninqa manam yachaq nunakuna ni puëdiq nunakuna yarpäyashqannötsu këkan. Tsë nunakunaqa ushakaqllam këkäyan. 7Diospa yachëninta yachatsikuyashqäqa nunakuna mana musyayashqanmi këkan. Tsë yachënintam imapis manaraq kaptin Teyta Dios churarqan gloriachö kushishqa kawanantsikpaq. 8Kë patsachö mandakuqkunaqa manam mëqanpis tsëta käyiyarqantsu. Käyirqa manam puëdiq Señor Jesucristuta cruzchö wanutsiyanmantsu karqan. 9Mana käyiyashqantam Teyta Diospa palabranchöpis kënö qellqarëkan:

<<Pipis mana rikashqanta

ni mana wiyashqanta

ni mana yarpashqantam

kuyaqninkunapaq Teyta Dios alistashqa>>.#Isa. 64.4.

10Tsë alistashqantaqa Espíritu Santuwanmi Teyta Dios musyatsimarquntsik. Espíritu Santu llapanta musyarmi Teyta Dios yarpashqankunatapis musyan. 11Nuna imata yarpashqantapis shonqun musyanqannömi Espíritu Santupis Teyta Dios imata yarpashqantapis musyëkan. 12Noqantsikqa manam kë mundupa espïrituntatsu chaskirquntsik#2.12 Tsënö nirqa Pablo kënömi nirqan: Manam Diosta mana chaskikuq nunakuna yarpäyashqannötsu yarpantsik ni pëkuna kawayashqannötsu kawantsik., sinöqa Teyta Dios kachamushqan Espíritu Santutam chaskirquntsik. Tsënöpam musyantsik Teyta Dios salvamashqantsikta.

13Qamkunataqa manam nunakunapita yachakushqätatsu willapëkäyaq, sinöqa Espíritu Santu käyitsimashqantam. Tsëmi Espíritu Santuta chaskikushqa kayaptiki pëpa yarpëninkunata käyikätsiyaq. 14Espíritu Santuta mana chaskikuqkunaqa pëpa yarpëninkunata manam chaskiyantsu. Pëkunapaqqa llutan yarpëllam këkan. Espíritu Santu mana käyitsiptinmi käyita puëdiyantsu. 15Tsënö kaptinpis Espíritu Santuta chaskikuqkunaqa käyitsishqankuna alli kashqanta käyir chaskikuyanmi. Imanir chaskikuyashqantapis wakinkunaqa manam käyiyantsu. 16Teyta Diospa palabranpis kënömi nin:#2.16 Kë textuta yarpätsir Pablo kënömi käyitsirqan: Teyta Diosta nunakuna juzguëta mana puëdiyashqannömi pë munashqannö kawaq nunakunatapis juzguëta puëdiyantsu. Tsënöllam Jesucristupa willakïninta willakushqäpita noqatapis juzgayämanmantsu.

<<Teyta Dios yarpashqankunata ¿pillapis musyantsuraq?

Yachaq kananpaq ¿pillapis pëta yachatsintsuraq?>>#Isa. 40.13; Rom. 11.34.

Noqantsikmi sï Jesucristo yarpashqannö yarpantsik.

Currently Selected:

1 Corintios 2: qwhB

Highlight

Copy

Compare