Popular Bible Verses from 1 Corintios 2

Share

Mana käyiyashqantam Teyta Diospa palabranchöpis kënö qellqarëkan: <<Pipis mana rikashqanta ni mana wiyashqanta ni mana yarpashqantam kuyaqninkunapaq Teyta Dios alistashqa>>.

Espíritu Santuta mana chaskikuqkunaqa pëpa yarpëninkunata manam chaskiyantsu. Pëkunapaqqa llutan yarpëllam këkan. Espíritu Santu mana käyitsiptinmi käyita puëdiyantsu.

Tsë alistashqantaqa Espíritu Santuwanmi Teyta Dios musyatsimarquntsik. Espíritu Santu llapanta musyarmi Teyta Dios yarpashqankunatapis musyan.

Noqantsikqa manam kë mundupa espïrituntatsu chaskirquntsik, sinöqa Teyta Dios kachamushqan Espíritu Santutam chaskirquntsik. Tsënöpam musyantsik Teyta Dios salvamashqantsikta.

Yachaq nunakuna parlayashqannö y yarpäyashqannö yachatsinäpa rantinqa Espíritu Santupa poderninwanmi yachatsiyarquq. Teyta Diospa poderninwan yachatsiyaptiq manam nunakunapa yachëninmantsu markäkïkäyanki, sinöqa Teyta Diosmanmi.