Josué 1
1
Josuéta Tayta Dios shakyäsishqan
1 Tayta Diospa sirviqnin Moiséspa yanapaqninmi Numpa surin Josué karqan. Moisés wanuykuptinnami Josuéta Tayta Dios nirqan: 2<<Sirvimaqnï Moisés wanukushnami. Saymi Israel runakunata pushar Jordán mayuta simpasishpayki promitishqä nacionman chäsinki. 3Moisésta promitishqänölami#Deut. 11.24-25. maymanpis chäyashqayki kaqqa qamkunapaq kanqa. 4Chaskiyänaykipaq kaq nación kanqa sunyaq jirkapita qalaykur Líbanucho kaykaq jalqakunayaqmi. Saynöpis kanqa Éufrates mayupita qalaykur Mediterráneo Lamaryaqmi. Say nacionchömi heteo runakunapis taykäyan. 5Moisésta yanapashqänölami qamtapis mana kachaypa yanapäshayki.#Deut. 31.6-8; Heb. 13.5. Saymi guërracho pipis ichipäyäshunkipaqsu.#Deut. 11.24-25.
6<<Qammi Israel runakunata aypunki unay ayllunkunata promitishqä nacionta herenciankuna kananpaq. Sayno kaykaptinqa ama qelanaysu ni mansariysu.#Deut. 31.6-7, 23. 7Yapaypis nïmi: Ama mansariysu ni qelanaysu. Sirvimaqnï Moisés yachasishushqayki leykunata mana qonqaypa cumplinki. Lapanta cumpliptikiqa ima rurashqaykichöpis yanapäshaykimi. 8Say qelqaraykaq leykunata imaypis ama qonqankisu. Saypa trukanqa paqasta junaqta yarpachakunki lapanta cumplinaykipaq. Sayno cumpliptikimi lapan rurashqaykikunapis ali kanqa. 9Noqami Tayta Diosniki kaykä. Maypa aywaptikipis yanapänäpaq qamwanmi imaypis kaykäshaq. Sayno nikaptïqa ama mansariysu ni qelanaysu>>.
Israel runakunata Josué shakyäsishqan
10Saypitanami Israel autoridäkunata Josué nirqan: 11<<Intëru campamentupa aywar runakunata niyay: <Mirkapaykikunata kamarikuyay. Kananpita kimsa junaqtami Jordán mayuta simpashun Tayta Diosninsi promitimashqansi nacionta chaskinansipaq> >>.
12Saypitanami Rubén trïbu runakunata, Gad trïbu runakunata y pulan Manasés trïbu runakunata qayaykasir Josué nirqan: 13<<Yarpäyay Tayta Diospa sirviqnin Moisés kayno niyäshushqaykita: <Tayta Diosninsimi jamayman yaykasiyäshushpayki kay simpacho kaykaq markakunata y chakrakunata kamaripäyäshushkanki>. 14Niyäshushqaykinöla Jordán mayu kay simpancho täyänaykipaq Moisés rikasiyäshushqaykicho warmikikunata, surikikunata y uywaykikunata kachaykuyay. Qamkunaqa armaykikunata apakurkur Israel mayikikunapa puntanta pelyacho yanapaq aywayay. 15Sayno yanapäyanki qamkunano paykunapis jamayman yaykur Tayta Diosninsi promitishqan nacionta chaskiyashqanyaq. Nirkurnami Jordán mayu kay simpanman kutikayämunki Tayta Diospa sirviqnin Moisés rikasiyäshushqayki herenciaykikunaman. Saychönami qamkuna imayyaqpis täkuyankipaq>>.#Núm. 32.28-32; Deut. 3.18-20; Jos. 22.1-6.
16Josué sayno niptinmi paykuna niyarqan: <<Lapan niyämashqaykitami cäsukuyäshaq, taytay. Maypapis aywayänäpaq niyämashqaykipami aywayäshaq. 17Noqakuna qamta cäsukuyäshayki Moisésta cäsukuyashqänölami. Tayta Dios yanapaykuläshunki Moisésta yanapashqannöla. 18Nishqaykikunata mana cäsukuq kaqtaqa wanusiyäshaq. Sayno kaykaptinqa ama mansariysu ni qelanaysu>>.#Núm. 27.20; Deut. 34.9.
Currently Selected:
Josué 1: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
