Deuteronomio 34

Moisés wanushqan

1Saypitanami Moab pampapita Moisés aywar Nebo jirkacho kaykaq Pisga niyashqan jirkaman wisarqan. Say jirkaqa Jericó simpanchömi kaykan. Say jirkapitami Tayta Dios rikasirqan Galaad partipita hasta Dan partiyaq. 2Saynöpis rikasirqan Neftalí partita, Efraín partita, Manasés partita y Judá partita hasta Mediterráneo Lamaryaq. 3Saynöpis rikasirqan Neguevta y Jordán mayupa aywaq pampatapis Jericó markapita hasta Zoar markayaq. Jericópa jukaq jutinmi karqan Palmëra Marka. 4Nirkurmi Tayta Dios nirqan: <<Taqay rikashqayki nacionqa Abrahamta,#Gén. 12.7. Isaacta,#Gén. 26.3. Jacobta#Gén. 28.13. y surinkunata promitishqä nacionmi kaykan. Nawilaykiwanpis rikaykunaykitami munashkä. Isanqa mananami sayman chankisu>>.

5 Tayta Dios nishqannölami sirviqnin Moisés say jirkacho wanukurqan. Say jirkaqa Moab nacionchömi kaykan. 6Wanuykuptinmi Bet-peor cercancho kaykaq Moab pampacho pampakurqan. Kananyaq manami pipis musyansu maynincho pamparashqantapis. 7Pachak ishkay chunka (120) watayuq kaykarmi Moisés wanurqan. Wanushqanyaqpis nawin manami sakarqanraqsu ni kalpanpis ushakarqanraqsu. 8Wanushqanta musyaykurmi Israel runakuna juk killa intëru Moab pampacho lütuyarqan.

9Manaraq wanukurmi Nunpa surin Josuépa umanman makinta churaykur Tayta Diosta Moisés manakurqan tantiyakuq kananpaq. Saymi Tayta Dios nishqannöla Moiséspa trukan Josuétana Israel runakuna respitar wiyakuyarqan.#Núm. 27.18, 23; Jos. 1.16-18.

10Tayta Diospa wilakuqnin Moisésnöqa manami pipis karqansu. Paywanmi Tayta Dios imaypis cära cära parlayaq.#Éxo. 33.11; Núm. 12.6-8. 11Paytami Tayta Dios kacharqan Egipto runakunata mansariypaq castïgukunawan castigananpaq. Say castïgukunawanmi Tayta Dios castigarqan Faraónta, mandäsiqninkunata y lapan Egipto nacionta. 12Lapan Israel runakuna rikaymi Tayta Dios poderninwan mansariypaq castïgukunawan castigarqan.

Currently Selected:

Deuteronomio 34: qvhB

Highlight

Copy

Compare