Salāmo 77
77
O le Tatalo i le Atua ‘ina o Atuatuvale le Loto
Ma le usu pese o Iutana. O le salāmo a Asafo
1Na ‘ou ‘alaga atu i le Atua i lo‘u leo
na ‘ou ‘alaga atu i le Atua;
‘ona fa‘afofoga mai lea o ia ‘iā te a‘u.
2O le aso na puapuagātia ai a‘u na ‘ou sā‘ili atu ai i le ALI‘I;#Sala 50.15; Isai 26.9, 16
na ‘ou fa‘aloaloa lo‘u lima i le po, e le‘i gase lava;
na lē mafaia lo‘u loto ‘ona fa‘amafanafanaina.
3A ‘ou manatua le Atua ‘ou te atuatuvale ai;
a ‘ou mafaufau ‘ou te loto vaivai ai. Selā.
4O lo‘o e tāofia o‘u mata ‘ina ‘ia lē fia moe;
‘ua ‘ou atuatuvale;
‘ou te lē mafai ai ‘ona tautala.
5‘Ou te mānatunatu i ona po anamua;#Teu 32.7; Sala 143.5; Isai 51.9
o tausaga o le vavau.
6‘Ou te manatua la‘u pese i le po;#4.4; 42.8
‘ou te mafaufau i lo‘u loto;
e tausā‘ili‘ili fo‘i lo‘u agaga.
7“E fa‘avavau lava ‘ea ‘ona lafoa‘i e le ALI‘I?
e lē toe fiafia mai ‘ea o ia?
8‘Ua uma ‘ea e fa‘avavau lona alofa?#Nume 23.19; Iere 15.18; Roma 9.6
e fa‘alēi‘u ‘ea lana afioga i lea tupulaga ma lea tupulaga?
9‘Ua fa‘agalogalo ‘ea e le Atua ‘ona alofa mai?#Isai 49.15; Sapa 3.2
pe tāofi ‘ea e ia o lona alofa mutimutivale i lona to‘asā?” Selā.
10‘Ona ‘ou fa‘apea ane lea,
“O lo‘u vaivai lenei,
o tausaga o le ‘a‘ao taumatau o le Silisili‘ese.”
11‘Ou te manatua galuega a le ALI‘I;#Sala 105.5
e moni, ‘ou te matuā manatua ou vāvega anamua.
12‘Ou te mānatunatu fo‘i i au galuega uma,
‘ou te mafaufau i mea na e faia.
13Le Atua e,
e pa‘ia lava lou ala.
O ai se atua e silisili e tusa ma le Atua?
14O oe lava le Atua o lē fai vāvega;
‘ua fa‘ailoa lou malosi i nu‘u.
15O lou ‘a‘ao na e fa‘aolaina ai lou nu‘u,#Eso 6.6; Teu 9.29
o le fānauga a Iakopo ma Iosefa. Selā.
16Na iloa atu le sami ‘iā te oe le Atua e,#Eso 14.21; Iosu 3.15-16; Sala 114.3; Sapa 3.10
na iloa atu le sami ‘iā te oe,
‘ona fefe ai lea; na gatete fo‘i le moana.
17O ao uli na fa‘amaligi ifo ai le vai;
o le lagi ‘ua ta‘alili mai lea,
‘ua feoa‘i fo‘i āu ū fanafana.
18O le leo o lou faititili ‘ua i le asiosio lea;
‘ua malamalama le atu laulau i uila;
‘ua gatete ma lūlūina le lalolagi.
19‘Ua i le sami lou ala,
‘ua i vai e tele lou savali,
o ou tulaga‘a‘ao fo‘i e lē iloa lava ia.
20Na e ta‘ita‘iina lou nu‘u,#Eso 13.21; Isai 63.11-12
e pei o se lafu mamoe i lima o Mose ma Arona.
Currently Selected:
Salāmo 77: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
