Popular Bible Verses from Salāmo 77

Share

‘Ou te manatua galuega a le ALI‘I; e moni, ‘ou te matuā manatua ou vāvega anamua. ‘Ou te mānatunatu fo‘i i au galuega uma, ‘ou te mafaufau i mea na e faia.

O oe lava le Atua o lē fai vāvega; ‘ua fa‘ailoa lou malosi i nu‘u.

Le Atua e, e pa‘ia lava lou ala. O ai se atua e silisili e tusa ma le Atua?

Na ‘ou ‘alaga atu i le Atua i lo‘u leo na ‘ou ‘alaga atu i le Atua; ‘ona fa‘afofoga mai lea o ia ‘iā te a‘u. O le aso na puapuagātia ai a‘u na ‘ou sā‘ili atu ai i le ALI‘I; na ‘ou fa‘aloaloa lo‘u lima i le po, e le‘i gase lava; na lē mafaia lo‘u loto ‘ona fa‘amafanafanaina.