Salāmo 76
76
‘Ua Fa‘aali mai le Mana o le Atua
Ma le usu pese i nekina. O le salāmo a Asafo, o le pese lea
1‘Ua iloa le Atua i Iuta;
‘ua silisili lona suafa i Isaraelu.
2‘Ua i Salema fo‘i lona fale apitaga;#Kene 14.18; Sala 9.11; 27.5
‘ua i Siona fo‘i lona afio‘aga.
3Na ia gauia i lea mea o ū fanafana mū,
o le talitā, le pelu ma le tau‘a. Selā.
4E pupula mai oe, e silisili,#Isai 14.25; Eseki 39.4
e sili i mauga o i ai mea e saeia.
5O ē loto tetele ‘ua vetea a latou mea;
‘ua latou momoe i o latou moe;
e leai fo‘i so latou o ē malolosi
‘ua maua o latou lima.
6Le Atua o Iakopo e,#Eso 15.1; Saka 12.4
o le a‘oa‘iga mai ‘iā te oe
‘ua moe gagase ai le kariota ‘atoa ma le solofanua.
7O oe e mata‘utia lava oe;
o ai fo‘i sē tu atu i ou luma i ona po
‘e te to‘asā mai ai?
8‘Ua lagona atu mai ‘iā te oe mai le lagi le fa‘amasinoga;#2 No 20.29-30; Sapa 2.20
‘ua matata‘u ai le lalolagi ma fīfīlemū,
9‘ina ‘ua tula‘i le Atua e fa‘amasino ai,
e fa‘aola ai i ē puapuagātia uma lava o i le lalolagi. Selā.
10Auā o le ita tele o tagata e vi‘ia ai oe;
‘e te tāofia fo‘i le toe ita.
11‘Ia ‘outou tautō atu i le ALI‘I lo ‘outou Atua,
ma ‘ia avatua ana mea;#Sala 50.14; 68.29; 89.7; Fai 5.4; Isai 8.13
o i latou uma o ē vagavagai ‘iā te ia,
‘ia latou avatu mea alofa i lē ‘ua mata‘utia.
12E fa‘amaulaloina e ia o loto o ali‘i;
e mata‘utia o ia e tupu o le lalolagi.
Currently Selected:
Salāmo 76: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
