Salāmo 63
63
O le Naunau tele o Tavita i le Atua. O le salāmo a Tavita, ‘ina o i le Vao o Iuta o ia
1Le Atua e, o lo‘u Atua lava oe;#Sala 84.2; 143.6; Isai 26.9; 32.2
‘ou te ala sā‘ili ‘iā te oe;
‘ua fia inu lo‘u agaga ‘iā te oe,
‘ua ‘ou matuā naunau atu ‘iā te oe
i le nu‘u naumati, e lailoa ai, e leai ni vai.
2‘Ia ‘ou iloa lou malosi ma lou mamalu,
e pei ‘ona ‘ou iloa oe i le malumalu.
3Auā o lou alofa e sili ‘ona lelei lea i le ola;
‘ou te vivi‘i atu lava ‘iā te oe i o‘u laugutu.
4O lea ‘ou te fa‘amanū atu ai ‘iā te oe a o ‘ou ola;#Sala 28.2; 104.33
‘ou te si‘i o‘u lima i lou suafa.
5E peiseaī o le ga‘o ma le mea lololo,#Sala 36.8
‘ou te mā‘ona ai lava a‘u;
e vivi‘i atu fo‘i ‘iā te oe o lo‘u gutu
ma o‘u laugutu e ‘alaga fiafia.
6A ‘ou manatua oe i lo‘u moega,
‘ou te mafaufau ‘iā te oe i leoleoga i itū po.
7Auā na fai oe ma fesoasoani ‘iā te a‘u;
‘ou te ‘oli‘oli fo‘i i le paolo o ou ‘apa‘au.
8‘Ua pipi‘i atu lava lo‘u loto ‘iā te oe;#Nume 14.24; Sala 41.12
o lou ‘a‘ao taumatau ‘ua tāofiina ai a‘u.
9A o i latou o ē sā‘ili e fasioti ‘iā te a‘u ‘ia ‘ou fano,#Sala 55.15; Eseki 31.14; Efe 4.9
latou te o‘o i mea loloto i le ‘ele‘ele.
10E tu‘uina atu i latou i le pelu e oti ai;
e ‘avea i latou ma tufa‘aga a alope.
11A o le tupu, e fiafia lava ia i le Atua;#Teu 6.13; Iopu 5.16; Sala 61.6; Isai 65.16
e ta‘itasi ma mitamita o ē tautō ‘iā te ia;
auā e punitia gutu o ē tala pepelo.
Currently Selected:
Salāmo 63: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
