Salāmo 64
64
‘Ua Tatalo Tavita ‘ia Lavea‘iina o ia i ē ‘ua ita ‘iā te Ia
Ma le usu pese. O le salāmo a Tavita
1Le Atua e,
‘ia e fa‘afofoga mai i la‘u tatalo;
‘ia e leoleo mai i lo‘u ola,
‘ia lē mata‘u i lē ‘ua ita mai.
2‘Ia e natia a‘u a‘i le taupulepulega a ē amio leaga,
ma le fa‘anunununu o ē fai amioletonu.
3‘Ua latou fa‘amataina o latou laulaufaiva e pei o se pelu;#Sala 57.4
‘ua latou lolo‘u i ‘aufana e fana mai a latou ū,
o ‘upu ogo lava ia.
4‘Ina ‘ia latou fana lafitai i lē ‘ua amio sa‘o;
e fa‘afuase‘i ‘ona latou fana ‘iā te ia,
latou te lē matata‘u lava.
5‘Ua latou fefa‘amalosia‘i i le mea leaga;#Iopu 22.13; Sala 140.5; Eseki 13.22
‘ua latou filifili e natia ni matāsele;
‘ua latou fa‘apea ane,
“O ai sē na te iloa i latou?
6‘Ua latou sā‘ili mea leaga; ‘ua fa‘apea ane,
‘Ua uma ‘ona tatou matuā sā‘ili lava;”
o latou mafaufau ta‘itasi ma le loto ‘ua su‘egatā lava.
7A o le Atua,
na te fanaina atu le ū ‘iā te i latou e fa‘afuase‘i;
e manunu‘a ai i latou.
8E leaga i latou i o latou lava laulaufaiva;#Fa‘ata 12.13; 18.7; Iere 48.27
e ta‘itasi ma sola ‘ese lava,
o ē va‘ava‘ai ‘iā te i latou.
9E matata‘u tagata uma,#Iere 50.28; 51.10
latou te fa‘aaliina atu fo‘i le mea ‘ua faia e le Atua;
latou te mafaufau fo‘i i lana galuega.
10E fiafia lē amiotonu i le ALI‘I,
ma fa‘alagolago ‘iā te ia;
‘ona mitamita ai lea o i latou uma ‘ua loto sa‘o.
Currently Selected:
Salāmo 64: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
