Popular Bible Verses from Salāmo 63

Share

Le Atua e, o lo‘u Atua lava oe; ‘ou te ala sā‘ili ‘iā te oe; ‘ua fia inu lo‘u agaga ‘iā te oe, ‘ua ‘ou matuā naunau atu ‘iā te oe i le nu‘u naumati, e lailoa ai, e leai ni vai.

Auā o lou alofa e sili ‘ona lelei lea i le ola; ‘ou te vivi‘i atu lava ‘iā te oe i o‘u laugutu.

O lea ‘ou te fa‘amanū atu ai ‘iā te oe a o ‘ou ola; ‘ou te si‘i o‘u lima i lou suafa.

‘Ia ‘ou iloa lou malosi ma lou mamalu, e pei ‘ona ‘ou iloa oe i le malumalu.

Auā na fai oe ma fesoasoani ‘iā te a‘u; ‘ou te ‘oli‘oli fo‘i i le paolo o ou ‘apa‘au. ‘Ua pipi‘i atu lava lo‘u loto ‘iā te oe; o lou ‘a‘ao taumatau ‘ua tāofiina ai a‘u.

A ‘ou manatua oe i lo‘u moega, ‘ou te mafaufau ‘iā te oe i leoleoga i itū po.