Salāmo 62
62
‘Ua Fa‘ailoa mai le Fa‘atuatua o Tavita i le Atua
Ma le usu pese o Iutana. O le salāmo a Tavita
1E moni lava, e fa‘alologo lo‘u agaga i luma o le Atua;#Sala 33.20
mai ‘iā te ia lo‘u fa‘aolataga.
2E moni lava, o ia o lo‘u papa ma lo‘u fa‘aolataga,
o lo‘u ‘olo maualuga; e lē fa‘agae‘eteleina a‘u.
3Tou te feosofi ‘ea i le tagata se‘ia afea?#Isai 30.13
E fasiotia ‘outou uma lava;
e pei o le pā ‘ua tulolo, o le pā ‘ua tuleia.
4E moni, ‘ua latou filifilia ‘ina ‘ia tuleia o ia a‘i lona mamalu;
‘ua naunau i latou i le pepelo;
‘ua latou fa‘amanuia i o latou gutu,
a ‘ua fetu‘u i o latou loto. Selā.
5E moni lo‘u agaga e,#Sala 62.1-2
‘e te fa‘alologo lava i luma o le Atua;
auā mai ‘iā te ia lava lo‘u fa‘amoemoe.
6E moni lava, o ia o lo‘u papa ma lo‘u fa‘aolataga,
o lo‘u ‘olo maualuga; e lē fa‘agae‘eina a‘u.
7O lo‘o i le Atua lo‘u olataga ma lo‘u mamalu;#Sala 3.8; 14.6
o lo‘u papa malosi ma lo‘u malu o lo‘o i le Atua ia.
8Le nu‘u e, ‘ia ‘outou fa‘atuatua ‘iā te ia i aso uma;#1 Samu 1.15; Sala 14.6; 37.3; 42.4
‘ia ‘outou momoli atu o ‘outou loto i ona luma;
o lo tatou malu o le Atua lea. Selā.
9E moni, e fa‘atauva‘a lava tagatalautele,
e pepelo fo‘i ali‘i;
e si‘itia i latou i le fua fa‘atautau,
o i latou fa‘atasi e sili ‘ona māmāsagia i le mea fa‘atauva‘a.
10‘Aua tou te fa‘atuatua i lē fa‘asauā,#Fa‘ata 1.9, 10-15; Luka 12.15
‘aua fo‘i ne‘i ‘outou mitamita vale i mea ‘ua faoa;
a fa‘ateleina le ‘oloa, ‘aua ne‘i ua‘i o ‘outou loto i ai.
11Na fetalai fa‘atasi mai le Atua;#Iopu 33.14; Fa‘aa 19.1
‘ua ‘ou fa‘alogo fa‘alua i lenei mea,
o i le Atua le malosi.
12Le ALI‘I e,#Iopu 34.11; Iere 17.10; Mata 16.27; Roma 2.6; Fa‘aa 2.23
o lo‘o ‘iā te oe fo‘i le alofa;
auā o oe ‘e te taui ta‘itasi atu i tagata,
e tusa ma a latou galuega.
Currently Selected:
Salāmo 62: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
