Kalatia 5

‘Ia ‘Outou Puipui i lo ‘Outou Sa‘olotoga

1O lenei, ‘ia ‘outou tumau i le sa‘olotoga ‘ua fa‘asa‘oloto mai ai Keriso ‘iā te i tatou ‘ae ‘aua ne‘i toe tāofia ‘outou i le amo o le pologa.#Kala 4.5, 31; Galu 15.10

2Fa‘auta mai ‘ea, o a‘u o Paulo, ‘ou te fai atu ‘iā te ‘outou, ‘āfai e peritomeina ‘outou, e lē aogā lava Keriso ‘iā te ‘outou.#2 Kori 10.1 3‘Ou te toe molitino atu i tagata uma ‘ua peritomeina, ‘ua ‘iā te i latou ‘ona faia o mea uma lava o i le tulafono. 4O ‘outou ‘ua fia maua le ta‘uamiotonuina i le tulafono, ‘ua tēte‘a ‘ese lava ‘outou ma Keriso, ‘ua pa‘u‘ū ‘outou nai le alofa tunoa. 5Auā o le Agaga matou te fa‘atalitali atu ai i le fa‘amoemoe i le amiotonu ‘ona o le fa‘atuatua. 6Auā e leai se aogā o le peritome po o le lē peritomeina i ē o ‘iā Keriso Iesu, tau lava o le fa‘atuatua e matuā galue i le alofa.#Kala 6.15; 1 Kori 7.19

7Sa ‘outou taufetuli lelei po o ai ‘ea ‘ua fa‘afelavei ‘iā te ‘outou, ‘ia ‘outou lē ‘ana‘ana i le ‘upu moni? 8E lē mai lē na vala‘auina ‘outou lenei fa‘aoleole. 9E fa‘afefeteina le paluga falaoa uma lava i sina mea itiiti e fa‘afefete a‘i. 10‘Ou te matuā fa‘atuatua ‘iā te ‘outou i le Ali‘i, tou te lē loto i se tasi mea; a o lē na te fa‘aatuatuvaleina ‘outou e tusa lava po o ai e fa‘asalaina o ia.#Kala 1.7; 2 Kori 11.15

11A o a‘u, le ‘au uso e, ‘āfai ‘ou te tala‘i atu pea i le peritome, se a ‘ea le mea e fa‘asauāina ai pea a‘u? ‘Āfai o lea, ‘ua fa‘aumatia i le mea e tausuai ai i le satauro.#1 Kori 1.23 12O lo‘u mana‘o ‘ia tipi‘eseina i latou e i latou o ē fa‘agae‘etia ‘outou.#Sala 12.3

13Auā le ‘au uso e, ‘ua vala‘auina ‘outou i le sa‘olotoga; tau lava ‘ina ne‘i ‘avea le sa‘olotoga ma avanoa mo le tino;#5.13 avanoa mo le tino: O nisi fa‘aliliuga; togafiti a le tino. a ‘ia ‘outou ‘au‘auna le tasi i le tasi i le alofa.#1 Pete 2.16 14Auā ‘ua ‘ato‘atoa le tulafono uma lava i le ‘upu e tasi, o lenei, “‘Ia e alofa atu i lē lua te tuā‘oi, ‘ia pei o oe lava ‘iā te oe.”#Levi 19.18 15‘Ae ‘āfai tou te feūta‘i ma fe‘aina‘i, ‘ia ‘outou ‘ina ne‘i fa‘aumatia ‘outou ‘iā te ‘outou.

O le Agaga ma le Tino

16‘Ou te fai atu, ‘ia ‘outou sāvavali i la le Agaga, ‘ona lē faia lea e ‘outou o le tu‘inanau o le tino. 17Auā o le tino ‘ua tu‘inanau lea e tete‘e atu i le Agaga, ‘ua tu‘inanau fo‘i le Agaga e tete‘e atu i le tino; ‘ua fete‘ena‘i fo‘i ia mea o le mea lea tou te lē fai ai mea tou te loto i ai.#Roma 7.15, 23; Iako 4.5; 1 Pete 2.11 18‘Ae ‘āfai e ta‘ita‘iina ‘outou e le Agaga, ‘ua lē nonofo ‘outou i le tulafono.

19‘Ua iloa tino fo‘i galuega a le tino, o mea fa‘apenei; o le mulilua, o le faita‘aga, o le amio leaga, o le mataitu,#1 Kori 6.9-10 20o le ifo i tupua, o le fai togafiti fa‘ataulāitu, o le feitaga‘i, o le femisa‘i, o le losilosi vale, o le lotoa, o le finau vale, o le fēvaevaea‘iga, o māseiga, 21o le matau‘a, o le ‘onāga,#5.21 o le ‘onāga: O nisi fa‘aliliuga; o le fasioti tagata. o le ‘onā, o le poula, ma mea fa‘apenā; ‘ou te mua‘i ta‘u atu nei ‘iā te ‘outou, pei ‘ona ‘ou fai atu anamua, o ē faia mea fa‘apenā, e lē fai le mālō o le Atua mo latou tofi.#Efe 5.5; Fa‘aa 22.15

22A o le fua o le Agaga, o le alofa, o le ‘oli‘oli, o le filemū, o le ‘onosa‘i, o le mataalofa, o le agalelei, o le fa‘amaoni,#Efe 5.9 23o le agamalū, ma le amio mamā; e lē fa‘atulafonoina mea fa‘apenā.#1 Timo 1.9 24A o ē o ‘iā Keriso, ‘ua fa‘asatauroina e i latou le tino, ma ‘ona mana‘o ma ona tu‘inanau.#Roma 6.6; Kolo 3.5; 1 Pete 2.11 25‘Āfai ‘ua tatou ola i le Agaga, ‘ia tatou sāvavali fo‘i i le Agaga.#Roma 8.4 26‘Aua ne‘i ‘avea i tatou ma ē mitamita vale, ‘aua ne‘i felu‘ia‘i, ‘aua ne‘i felosia‘i.#Fili 2.3

Currently Selected:

Kalatia 5: RSCB

Highlight

Copy