Popular Bible Verses from Kalatia 5

Share

A o le fua o le Agaga, o le alofa, o le ‘oli‘oli, o le filemū, o le ‘onosa‘i, o le mataalofa, o le agalelei, o le fa‘amaoni, o le agamalū, ma le amio mamā; e lē fa‘atulafonoina mea fa‘apenā.

‘Ou te fai atu, ‘ia ‘outou sāvavali i la le Agaga, ‘ona lē faia lea e ‘outou o le tu‘inanau o le tino.

‘Āfai ‘ua tatou ola i le Agaga, ‘ia tatou sāvavali fo‘i i le Agaga.

A o ē o ‘iā Keriso, ‘ua fa‘asatauroina e i latou le tino, ma ‘ona mana‘o ma ona tu‘inanau.

‘Ua iloa tino fo‘i galuega a le tino, o mea fa‘apenei; o le mulilua, o le faita‘aga, o le amio leaga, o le mataitu, o le ifo i tupua, o le fai togafiti fa‘ataulāitu, o le feitaga‘i, o le femisa‘i, o le losilosi vale, o le lotoa, o le finau vale, o le fēvaevaea‘iga, o māseiga, o le matau‘a, o le ‘onāga, o le ‘onā, o le poula, ma mea fa‘apenā; ‘ou te mua‘i ta‘u atu nei ‘iā te ‘outou, pei ‘ona ‘ou fai atu anamua, o ē faia mea fa‘apenā, e lē fai le mālō o le Atua mo latou tofi.

Auā le ‘au uso e, ‘ua vala‘auina ‘outou i le sa‘olotoga; tau lava ‘ina ne‘i ‘avea le sa‘olotoga ma avanoa mo le tino; a ‘ia ‘outou ‘au‘auna le tasi i le tasi i le alofa.

Auā o le tino ‘ua tu‘inanau lea e tete‘e atu i le Agaga, ‘ua tu‘inanau fo‘i le Agaga e tete‘e atu i le tino; ‘ua fete‘ena‘i fo‘i ia mea o le mea lea tou te lē fai ai mea tou te loto i ai.

Auā ‘ua ‘ato‘atoa le tulafono uma lava i le ‘upu e tasi, o lenei, “‘Ia e alofa atu i lē lua te tuā‘oi, ‘ia pei o oe lava ‘iā te oe.”

‘Aua ne‘i ‘avea i tatou ma ē mitamita vale, ‘aua ne‘i felu‘ia‘i, ‘aua ne‘i felosia‘i.

O lenei, ‘ia ‘outou tumau i le sa‘olotoga ‘ua fa‘asa‘oloto mai ai Keriso ‘iā te i tatou ‘ae ‘aua ne‘i toe tāofia ‘outou i le amo o le pologa.